Türkiyədə kütləvi həbslər və işdən çıxarılmalar

Türkiyə hakimiyyəti 8 min polis işçisini tutduğu vəzifədən kənarlaşdırıb, Reuters bildirib. Polislər hərbi çevrilişə cəhdlə əlaqədar çıxarılıblar.

Bundan öncə bu səbəbdən Türkiyə hakim və prokurorların Ali Şurası 2745 hakimin işdən kənarlaşdıırldığı bildirib. Sonradan onların saxlanması barədə əmr verilib. Bununla yanaşı ölkədə ali inzibati məhkəmənin on nümayəndəsi həbs olunub. Ali Məhkəmənin daha 140 nümayəndəsi is axtarışa verilib.

Ölkə hakimiyyəti dövlət çevrilişinə cəhddə bağlılıqda şübhəli bilinən 6 min hərbçinin saxlandığını bildirib. Onların arasında 70-dən çox  general və admiral, o cümlədən Türkiyə HHQ-nin keçmiş komandanı Akın Öztürk də  var.

İyulun 16-na keçən gecə qiyamçılar Ankarada Baş Qərargahın binasını tutublar və İstanbulda Bosfor üzərində iki körpünü blokadaya alıblar. Son məlumatlara görə, toqquşmalarda 290 nəfər həlak olub, 1400 nəfər xəsarət alıb.

İyulun 17-də Ankara bütün ölkə ərazisində hakimiyyətin nəzarəti bərpa etdiyini bildirib.

Bu fonda Türkiyədə ümumi isteriya davam edir ki, bu da daha çox dini çalar alır.  Demokratiya uğrunda şüarlar altında islamçılar hərbçiləri ələ salır, ordunu təhqir edir. Sosial şəbəkələrdə həbs zamanı generalların və zabitlərin döyülməsi, alçaldılması, onlara divan tutulması faktları yer alıb.

Yerli mənbələrin məlumatına görə, bütün bu ağzınlıqda təkcə dini radikallar yox, vaxtilə Ərdoğanın sığınacaq və Türkiyə vətəndaşlığı verdiyi Suriya qaçqınları da fəal rol oynayır.-02D-