Erin E. McKee
Bakı/04.11.22/Turan: USAID-in Avropa və Avrasiya Bürosunun administratorunun köməkçisi səfir Erin E.Makki Cənubi Qafqaza regional səfər çərçivəsində noyabrın 4-də Azərbaycanda olacaq.
ABŞ-ın Bakıdakı səfirliyinin məlumatında deyilir ki, səfərdə Makkini Avropa və Avrasiya Bürosunun administrator köməkçisinin müavini doktor Aleksandr Sokolovski müşayiət edir
Gündəliyə Makkinin USAİD-in Azərbaycan hökumətilə tərəfdaşlığı məsələlərini müzakirə etmək üçün kənd təsərrüfatı nazirinin müavinilə görüş və Bakı limanının baş direktoru ilə nəqliyyat marşrutlarının müzakirəsi daxildir.
O həmçinin iqtisadiyyatda qadınlar üçün imkanların artırılması məsələlərilə bağlı qadın liderlər və sahibkarlarla görüşəcək.
Makki Qarabağ müharibələrində həlak olanların xatirəsini yad edəcək, Şəhidlər Xiyabanına gül dəstələri qoyacaq.
Görüşlər zamanı Makki ABŞ-ın Azərbaycanın müstəqilliyinə və Cənubi Qafqazda davamlı sülhə dəyişməz dəstəyini, o cümlədən USAİD-in azərbaycanlı sahibkarlar və xarici ticarət tərəfdaşlarının iştirakının genişləndirlməsinə, qadınların iqtisadi vəziyyətinin yaxşılaşdırılmasına sadiqliyini, həmçinin regional ticarətdə və ərzaq təhlükəsizliyinin yumşaldılmasında Azərbaycanın mühüm rolunu vurğulayacaq.16D
Siyasət
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
Rəy yaz