Van Yi: �ÇXR Azərbaycanın ərazi bütövlüyünü dəstəkləyir� (YENİLƏNİB)

Bakı/23.05.19/Turan: Bu gün prezident İlham Əliyev Çin Xalq Respublikasının xarici İşlər naziri Van Yinin başçılıq etdiyi nümayəndə heyətini qəbul edib.

Dövlət başçısı qeyd edib ki, ÇXR XİN rəhbərinin səfəri Azərbaycan ilə Çin arasında əməkdaşlığın çox yüksək səviyyədə olmasını nümayiş etdirir.

Azərbaycan Çini daim onun üçün vacib olan məsələlərdə dəstəkləyir, prezidentin saytında dərc edilmiş məlumatda deyilir.

İ.Əliyevin sözlərinə görə, iki ölkə arasında siyasi əlaqələr yüksək səviyyədədir və iqtisadi-ticari sahədə əməkdaşlığın yaxşı perspektivləri var.

O, "Bir kəmər, bir yol" Beynəlxalq Forumu çərşvəsində ÇXR sədri Si Cinpin ilə görüşünü xatırlayıb.

Azərbaycan ÇXR-in bu təşəbbüsünü ilk dəstəkləyən ölkələrdən biridir.

Azərbaycanın nəqliyyat infrastrukturundan bu layihə çərçivəsində nəqliyyat daşımaları üçün istifadə edilə bilər.

Öz növbəsində ÇXR XİN rəhbəri qeyd edib ki, Çin-Azərbaycan əlaqələri strateji xarakter daşıyır və onun ölkəsi Azərbaycanın müstəqilliyini, suverenliyini və ərazi bütövlüyünü dəstəkləyir.

Söhbət zamanı "Bir kəmər, bir yol" layihəsi çərçivəsində Azərbaycan və Çin arasında əməkdaşlıq üçün geniş imkanların olduğu vurğulanıb, nəqliyyat, enerji, sənaye, turizm və informasiya-kommunikasiya texnologiyaları sahələrində əlaqələrin inkişafına dair geniş fikir mübadiləsi aparılıb.06D-