Bakı/23.05.19/Turan: Mayın 23-də Müsavat Partiyasının qərargahında D18 Hərəkatının rəhbəri Ruslan İzzətlinin tərtib etdiyi "Son söz" kitabının təqdimatı olub.
Təqdimat mərasimində siyasi məhbus kimi tanınan şəxslər, onların ailə üzvləri, hüquq müdafiəçiləri iştirak ediblər.
Kitab son on ildə həbsdə olmuş siyasi məhbus kimi tanınan şəıxlərin məhkəmələrdə son sözlərini və onlar haqqında qısa məlumatları əhatə edir. Nəşrdə jurnalistlərin, blogerlərin, yazıçıların, vətəndaş cəmiyyəti nümayəndələrinin, siyasi şəxslərin, inanclı insanların, həbsxanada vəfat etmişlərin və həbsdən azad edildikdən sonra vəfat edən onlarla siyasi məhbusun çıxışı dərc edilib. Hazırda kitabın ingilis dilində nəşri çapa hazırlanır.
D18 Hərəkatının başqanı Ruslan İzzətli "Amerikanın səsi"nə müsahibəsində bildirib ki, siyasi məhbus kimi tanınan şəxslərin məhkəmə çıxışları ittihamların və məhkəmə hökmlərinin siyasi olmasından, ölkədə fundamental insan hüquqlarının, o cümlədən toplaşmaq, seçki, söz və media azadlığı hüquqlarının tapdanması, işgəncə və qeyri-insani rəftardan bəhs edir. -03C-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz