Bakı/14.06.19/Turan: Azərbaycan XİN Yerevanın Bakının iki ölkənin xarici işlər nazirlərinin Vaşinqton görüşü ərəfəsində cəbhədə "təxribat xarakterli əməllər" törədərək, danışıqlar üçün "əlverişsiz mühit" formalaşdırdığı haqqında ittihamlarını təkzib edib.
Azərbaycan XİN-in şərhində Ermənistan tərəfin bu iddialarından təəccüb ifadə olunub: "Ermənistan müdafiə nazirinin Azərbaycanlı hərbi qulluqçuları məhv etmək əmri və snayperləri təltif etməsi sülh şəraitinin yaradılmasına nə dərəcədə uyğun gəlir?!", deyə Azərbaycan XİN-in mətbuat xidmətinin şərhində qeyd edilir.
Azərbaycan Ermənistan-Azərbaycan münaqişəsinin tezliklə həll edilməsində və təbii ki, danışıqların irəlilədilməsində maraqlı tərəfdir. Danışıqların ən mühüm məqsədlərindən biri Ermənistan silahlı qüvvələrinin Azərbaycanın işğal edilmiş ərazilərindən çıxardılmasıdır.
"Ermənistan silahlı qüvvələri Azərbaycan torpaqlarında qanunsuz mövcudluğunu saxlayacağı təqdirdə, danışıqların başqa vacib hissəsi ola bilməz. Nə qədər tez Ermənistan bu reallığı dərk etsə, bir o qədər tez bölgəmizə dayanıqlı sülh, inkişaf və rifah təmin olunacaq", deyə şərhdə bildirilir. -06D-
* * *
2019 İyun 14 (Cümə) 15:53:13
Ermənistan XİN Vaşinqtonda görüş ərəfəsində Azərbaycanı ittiham edib
Bakı/14.06.19/Turan: " Azərbaycanın son günlər insan tələfatına səbəb olan və təmas xəttində ciddi gərginliyə gətirib çıxaran atəşkəs rejimini pozmasının və təxribat xarakterli əməllərinin lazımi şəkildə qınanması planlaşdırılmış görüşdən əvvəl xoşagəlməz mühit yaradıb".
Bu barədə Ermənistan XİN-in Ermənistan və Azərbaycan XİN başçılarının iyunun 20-də Vaşinqtonda keçirilməsi planlaşdırılan görüşü ilə bağlı 14 iyun tarixli bəyanatında deyilir.
"Azərbaycanın güc tətbiqi və güc tətbiqi təhdidi kimi səciyyələndirilən əməlləri sülh üçün əlverişli atmosfer formalaşmasına mane olur və bununla da dinc nizamlanma prosesinin təşviqinə mane olur. Yaranmış vəziyyət Vaşinqtonda keçiriləcək görüşün dəqiq gündəliyini diktə edir", deyə bəyanatda bildirilir.
Azərbaycan XİN hələlik bu bəyanata cavab verməyib.
Qeyd edək ki, son günlər cəbhə xəttində atışma zamanı hər iki tərəfdən bir neçə hərbiçi həlak olub. Bakı gərginlikdə Yerevanı ittiham edib, Yerevan ittihamları təkzib edərək, Azərbaycanı ittiham edib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz