Açiq mənbələrdən foto.
Vaşinqtonda Azərbaycan səfirliyinin avtomobilinə atəş açılıb
Bakı/12.10.22/Turan: Bu il oktyabrın 10-dan 11-nə keçən gecə Azərbaycan Respublikasının Vaşınqtondakı səfirliyinin xidməti avtomobilinə atəş açılıb. Bu barədə Azərbaycan Xarici İşlər Nazirliyi Mətbuat xidməti idarəsinin hadisə ilə bağlı yaydığı məlumatda deyilir.
Bu hadisə ilə bağlı Azərbaycan diplomatik nümayəndəliyinin ABŞ-ın müvafiq qurumlarına məlumat verdiyi, kamera görüntülərinin qarşı tərəfə təqdim edildiyi bildirlir.
Məsələ ilə əlaqədar ABŞ-ın Azərbaycandakı müvəqqəti işlər vəkili oktyabrın 12-də Azərbaycan XİN-ə çağırılıb, baş vermiş hadisə ilə bağlı ciddi narahatlıq və narazılıq ifadə edilib, Azərbaycan diplomatik nümayəndəliyinin təhlükəsizliyinin təmin edilməsi tələbi qarşı tərəfin diqqətinə çatdırılıb.
Məlumatda son zamanlar xarici ölkələrdəki erməni icmalarının radikal üzvləri tərəfindən Azərbaycanın diplomatik nümayəndəliklərinə qarşı hücumların sistemli xarakter daşıdığı vurğulanır.
Məlumatda Vaşınqton, Paris, Beyrut və digər şəhərlərdə Azərbaycan səfirliklərinə qarşı törədilən hücumlar və vandallıq aktlarının ciddi narahatlıq doğurduğu vurğulanır.
"Bununla bağlı olaraq, baş vermiş hər bir insidentlə bağlı müvafiq araşdırmanın aparılması və səfirliklərimizin, eləcə də diplomatlarımızın təhlükəsizliyinin lazımi səviyyədə təmin edilməsi tələbini bir daha vurğulayırıq", deyə məlumatda bildirilir.
Təəssüflə qeyd edilir ki, nə son günlərdə baş vermiş hücumlar, nə də hələ 2020-ci ildə Avropa paytaxtlarında, habelə Los-Anceles şəhərində Azərbaycan diplomatik nümayəndəliklərinə, həmçinin azərbaycanlı icma üzvlərinə qarşı edilən hücumlarla bağlı açılan cinayət işləri çərçivəsində heç bir təqsirkar məsuliyyətə cəlb edilməyib.
Azərbaycan XİN xarici ölkələrdəki radikal qüvvələrin Azərbaycan diplomatik nümayəndəliklərinə, diplomatlara və onların mülklərinə qarşı yönələn və nifrətə əsaslanan cinayət əməllərini qətiyyətlə pisləyir. 05D
-
- Siyasət
- 12 Oktyabr 2022 12:07
-
- İqtisadiyyat
- 12 Oktyabr 2022 12:56
Siyasət
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
-
Cari ilin may ayı ərzində azad edilmiş ərazilərdə Azərbaycan Ordusunun Mühəndis Qoşunlarının hissə və bölmələrinin fəaliyyəti nəticəsində 254 hektardan çox ərazi minalardan tam təmizlənib, bu barədə mayın 18-də Azərbaycan Müdafiə Nazirliyinin mətbuat xidməti məlumat yayıb.
-
Azərbaycan HHQ-nin komandanı vəzifəsi general-mayor Namiq İslamzadəyə həvalə edilib.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Audio xəbər
Xəbər lenti
-
- Siyasət,
- 13:57
- 222
Rəy yaz