Açiq mənbələrdən foto.
ABŞ ölkələri BMT-nin Rusiyanı qınayan qətnaməsini dəstəkləməyə çağırır
Vaşinqton/12.10.22/Turan: Bu həftə BMT Baş Assambleyası 40 ildə ilk dəfə olaraq Ukrayna ilə bağlı kollektiv addımları müəyyən etmək üçün təcili sessiya keçirib.
Bayden Administrasiyası Ukraynaya qlobal dəstəyi davam etdirmək üçün tədbirlər görür, xəbəri Turan-ın Vaşinqtondakı müxbiri verib.
Dövlət katibi Entoni Blinken çərşənbə axşamı 100-dən çox ölkənin diplomatik korupusu ilə görüşərək, onları BMT-nin Ukrayna ərazilərinin ilhaqını pisləyən qətnaməsini dəstəkləməyə çağırıb.
"Beynəlxalq ictimaiyyət başa düşməlidir ki, Putinin hərəkətləri tamamilə qəbuledilməzdir", deyə Dövlət Departamentinin nümayəndəsi Ned Prays brifinqdə bildirib.
"Ukrayna, dünyada istənilən digər suveren ölkə kimi, öz gələcəyini seçmək və beynəlxalq səviyyədə tanınmış sərhədləri daxilində dinc şəkildə yaşamaq hüququna malikdir", deyə Prays bildirib.
Turan-ın Azərbaycan kimi daha əvvəl səs verməkdən "yayınan" və ya səsvermədə iştirak etməyən ölkələrin "bitərəf" hesab olunub-olunmayacağı haqqında sualına cavabda Prays belə deyib: "Hesab edirik ki, bütün dünya ölkələri Baş Assambleyada BMT Nizamnaməsinin təməl prinsiplərini qoruyacaq şəkildə səs verməlidir".
"Prosedura əsasən, Baş Assambleyada səs verən hər bir ölkə BMT Nizamnaməsinin prinsiplərinin altına qol çəkir. Əks halda onlar bu prinsipləri qoruyan dövlət olmayacaq", deyə o əlavə edib.
Öz növbəsində, çərşənbə axşamı ABŞ-ın BMT-dəki daimi nümayəndəsi Linda Tomas-Qrinfeld bildirib ki, qarşıda duran səsvermə "tərəf seçimi deyil".
"Bu, Rusiya və ABŞ arasında deyil", deyə o, Dövlət Departamentinin Nyu York Xarici Mətbuat Mərkəzində təşkil edilmiş brifinqdə bildirib.
"Söhbət BMT Nizamnaməsinin əsas dəyərlərinin qorunmasından gedir. Bu, ABŞ-ın tərəfində və ya Rusiyanın əleyhinə olmaq demək deyil", deyə o bildirib. 0
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Audio xəbər
Xəbər lenti
-
- Siyasət,
- 13:57
- 324
Rəy yaz