Vaşinqtonda Qafqaz üzrə konfrans

ABŞ-ın Qafqaz üzrə analitikləri sentyabrın 13-də Vaşinqtonda Strateji və Beynəlxalq Araşdırmalar Mərkəzinin konfransı çərçivəsində Qafqazda gərginliyin artmasını müzakirə ediblər. Bu zaman Ermənistan və Azərbaycan, Gürcüstan və Rusiya arasında gərginliyin artması ehtimalından dərin narahatlıq ifadə olunub. Xüsusən, regionun hakim elitaları arasında etimad olmadığı üçün münaqişələrin qızışa biləcəyi qeyd edilib, xəbəri Turan-ın müxbiri verib.

“Gürcüstan və Azərbaycan xarici siyasətdə sui-qəsdlərə arxalanır”, deyə Vaşinqton Universitetindən analitik Skott Radnits bildirib. 

Azərbaycan radikal islamçılarla hesablaşmaq istədikdə sui-qəsdlərdən danışır, Gürcüstanda isə Saakaşvili hakimiyyətini qanuniləşdirmək üçün sui-qəsdlərdən istifadə edir, deyə o əlavə edib.

Rusiyalı analitik Sergey Markedonov hesab edir ki, blitskriq Azərbaycan üçün uğurlu ola bilər. “Uzunmüddətli müharibə zamanı Əliyevin məşhurluğuna xələl gələcək”, deyə o bildirib.

Qarabağ münaqişəsinin tənzimlənməsi üzrə danışıqları təcrübi qərarlarda cəmləşdirmək lazımdır. Səfərovun əfvi Azərbaycanda daxili məqsədlər üçün nəzərdə tutulmuşdu, eyni zamanda, çoxları hesab edirlər ki, hərbi ritorika heç də müharibə üçün lazım olan əsas resurs deyil. Qərb və Avropa İttifaqı üçün Qafqaz çox uzaqdır.

Rusiya Qafqazda Qərblə əməkdaşlıq etməyə hazırdır, amma Gürcüstan məsələsində deyil, deyə o qeyd edib. -25В-