![Vəkil AKP-ni millətə düşmənçilikdə ittiham edib](https://turan.az/resized/750/500/resize/media/2014/main/010400064195.jpg)
Vəkil AKP-ni millətə düşmənçilikdə ittiham edib
Türkiyənin hakim “Adalet və Kalkınma” partiyasının (AKP) İntizam komitəsinin sədri, vəkil Malik Bayat son dönəmdəki hadisələrlə bağlı partiyadan istefa verib. Bu xəbəri Türkiyənin “haber.com” saytı yayıb.
Vəkil istefası ilə bağlı açıqlamasında iqtidara xalq qarşısında cavabdeh olduğu üçün korrupsiyanı qəti şəkildə araşdırmasının və şəffaf olmasının vacibliyini vurğulayır.
“Təəssüf ki, bu gün ölkədə hüququn aliliyi mübahisə mövzusuna dönüb. Bu şərtlər altında illər boyu xidmət etməyə çalışdığım partiyada siyasətə davam etməyin yanlışlara şərik olmaq anlamına gələcəyini düşünürəm”, - deyə M.Bayat qeyd edir.
Daha sonra M.Bayat partiyada partiya mənsublarının, millət vəkillərinin, hətta nazirlərin belə kənara atılaraq, dar bir oliqarx dairə yaradıldığını, təkbaşına idarəçiliyə keçildiyini bildirir və bunun qəbuledilməz olduğunu bəyan edir. Bunun partiyaya kifayət qədər ciddi zərər verdiyi ifadə olunur. Bu oliqarx çərçivə siyasəti və yanlış idarəçiliyi ilə milləti qütbləşdirib. Vəkil AKP-ni verdikləri səslərlə iqtidar edən seçicilərinin bir qismindən “düşmən obrazı” yaratmaqda ittiham edib. Eyni zamanda, M.Bayat AKP rəhbərliyinin son korrupsiya və rüşvət əməliyyatını “kompromat, xarici güclərin tərtibi, çevriliş” kimi dəyərləndirməsini qəbuledilməz saydığını nəzərə çatdırır.
Onun fikrincə, partiya millətin ortaq dəyərlər, sağlam düşüncə və demokratiyadan getdikcə uzaqlaşmasının və avtoritarlıq mühitinə daxil olmasının fərqində belə deyil. -05-
-
- Cəmiyyət
- 4 Yanvar 2014 12:01
-
- Mədəniyyət
- 4 Yanvar 2014 13:04
Siyasət
-
Sentyabrın 1-də keçiriləcək Milli Məclisə növbədənkənar seçkilərdə deputatlığa namizəd olmaq üçün 806 nəfər dairə seçki komissiyalarına müraciət edib. Bu barədə Mərkəzi Seçki Komissiyasının (MSK) bugünki iclasında bu qurumun rəhbəri Məzahir Pənahov bildirib.
-
Cümə günü Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. Məhkəmə Yasamal Rayon məhkəmə iclasının katibinin iki il əvvəl Hacıyev və zərərçəkmiş Ülviyyə Muradova (Alovlu) arasında münaqişə haqqında ifadəsini dinləyib.
-
35 gündür aclıq edən iqtisadçı Fazil Qasımov 1 saylı Bakı İstintaq Təcridxanasının tibbi sanitar hissəsinə keçirilib, bu barədə Turan-a iyulun 19-da günün ikinci yarısında vəkil Rövşanə Rəhimova bildirib.
-
Tbilisidə yerləşən Hüquq və Azadlıqların Müdafiəsi İnstitutu Azərbaycanın Azel.tv saytının təsisçisi Əfqan Sadıqovun üçüncü ölkələrə getməsinə qadağa qoyulması ilə əlaqədar bəyanat yayıb.
Rəy yaz