Bir qrup gənc fəal Küçə kitab hərəkatının yaradıldığını bildirib. Məqsəd paytaxtda, bölgələrdə, eləcə də digər ölkələrdə kitab şəbəkəsinin yaradılmasıdır. Birinci mərhələdə könüllü şəkildə kitablar toplanılır, sonra həmin kitablar paytaxt ərazisində müxtəlif yerlərə qoyulur və o kitablar öz təsadüfi sahiblərinə bu yolla çatmış olur. Kitabın içərisində onun Küçə kitab hərəkatına məxsus olduğu və bu kitaba hansı şərtlər altında sahib olunduğu qeyd edilir. Daha sonra kitabın təsadüfi sahibi onu oxuyub bitirdikdən sonra növbəti sahibinə çatması üçün paytaxt ərazisində hər hansı bir guşəyə qoyur. Kitabların hər yeni sahibi kitabın onda olduğunu bildirmək üçün onun içində qeyd olunan Facebook qrupuna məlumat yerləşdirir.
İkinci mərhələdə bu prosses olduğu kimi bölgələrdə də davam edəcək və prosses Küçə kitab hərəkatının bölgələrdəki nümayəndəlikləri tərəfindən həyata keçiriləcək. Nümayəndəliklər tərəfindən toplanılan kitablar digər bölgələrdəki nümayəndəliklərə göndəriləcək və beləcə qarşılıqlı kitab dəyişikliyi baş tutacaq.
Üçüncü mərhələdə Azərbaycan müəlliflərinin kitabları ingilis dilinə tərcümə olunaraq xarici ölkələrdəki hərəkatın nümayəndələrinə göndəriləcək və eyni qaydada kitablar yayılacaq.
Bu kitabların istiqamətinin itirilməməsi üçün sosial şəbəkələrdə qruplar və veb sayt yaradılacaq. Hər bir oxucu əldə etdiyi kitab haqqında məlumatı qeyd olunan yerlərdə yerləşdirəcək. Kitablar xüsusi formatda şifrələnəcək və kitabın ilk sahibi onun hazırda harada olduğu barədə məlumat əldə edə biləcək.
Bundan əlavə, oxucular oxuduqları kitab haqqında təəssüratlarını bölüşmək üçün video və ya yazı formatında veb saytımızda xüsusi bölmədə yerləşdirə biləcək.
Bu hərəkatın başlanması və uğurla davam etməsi üçün kitablarınızı bizə etibar etməyinizi xahiş edirik. Sizin kitablarınız dünyanın fərqli nöqtələrində tamamilə təsadüfi insanlar trəfiindən oxunacaq və sizin bu haqda məlumatınız olacaq, eləcə siz də hər hansı təsadüfi şəxsin kitabını əldə edə biləcəksiniz Əlavə məlumat üçün : https://www.youtube.com/watch?v=pFQH4z-pszI
Əlaqə : https://twitter.com/StreetBookMov https://www.facebook.com/StreetBookMov https://www.facebook.com/StreetBook https://www.facebook.com/EyyubovFerid
eyyubov.freddy@gmail.com
saleh.mehdizade@gmail.com
street.book.movement@gmail.com
(+99451) 568 95 69 - Fərid Eyyubov
(+99450) 513 63 34 - Saleh Mehdizadə
Mədəniyyət
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
Rəy yaz