Açiq mənbələrdən foto.
Vəkil: “Eldar Həsənovun işi üzrə Avropa İnsan Hüquqları Məhkəməsinin qərarı yerinə yetirilmir”
Bakı/19.05.21/Turan: Azərbaycanın hakimiyyət orqanlarının ölkənin Serbiyadakı keçmiş səfiri və keçmiş baş prokuror Eldar Həsənovun işi üzrə "təminat tədbirləri"nin görülməsilə bağlı Avropa İnsan Hüquqları Məhkəməsinin qərarına zidd olaraq, o, hələ də xəstəxanaya yerləşdirilməyib. Bu barədə Turan agentliyinə vəkil Cavad Cavadov bildirib.
Avropa İnsan Hüquqları Məhkəməsi öz reqlamentinin 39-cu maddəsinə uyğun olraq 7 may 2021-ci il tarixində Eldar Həsənovun təcridxanadan Dövlət Təhlükəsizliyi Xidmətinin hospitalına yerləşdirilməsi, zəruri müayinə və cərrahi əməliyyat aparılması barədə qərar qəbul edib.
“Bizə məlum olmayan səbəblərdən Eldar Həsənov hələ də xəstəxanaya stasionara yerləşdirilmir və faktiki olraq Avropa İnsan Hüquqları Məhkəməsinin qərarı icra olunmamış qalır”, - vəkil deyib.
Onun sözlərinə görə, bununla bağlı Strasburq məhkəməsinə məlumat verilib.
"Eldar Həsənovun vəziyyəti ağır olaraq qalır",- vəkil bildirib.
* Bundan öncə, aprelin 16-da vəkillər ölkə rəhbərliyinə müraciətdə qeyd ediblər ki, Eldar Həsənov onurğasında ciddi ağrı hiss edir və faktiki olaraq, iflicqabağı vəziyyətdədir. "Şəkərli diabetin kəskin forması fonunda ürək ağrıları güclənir. Əgər yaxın vaxtlarda ixtisaslı tibbi müdaxilə olmasa, onun həyatına ciddi təhlükə yaranacaq", - müraciətdə bildirilib.
Öz növbəsində Baş Prokurorluğun mətbuat xidmətindən Turan agentliyinin sorğusuna cavab olaraq bildiriblər ki, Eldar Həsənova qarşı iş obyektiv aparılır və müdafiə tərəfinin müraciəti əsasında məhkəmə-tibbi ekspertiza təyin edilib.
**Xatırladaq ki, Azərbaycanın Serbiyada və Bosniya Herseqovinada səfiri olmuş
Eldar Həsənov 2020-ci il avqustun 13-də Dövlət Təhlükəsizliy Xidməti tərəfindən
saxlanılıb. Avqustun 14-də Bakının Səbayel Rayon Məhkəməsi onun barəsində həbs qətimkan tədbiri seçib. O, Cinayət Məcəlləsinin 308.2 (vəzifə səlahiyyətlərindən sui-istifadə etmə) və 308- 1.1-ci (büdcə vəsaitlərindən təyinatı üzrə istifadə etməmə) maddələri ilə ittiham olunub. 90-cı illərdə ambisiyalı Eldar Həsənov ölkənin baş prokuroru vəzifəsində çalışıb və heç bir aydın səbəb olmadan işdən çıxarılıb. Daha sonra hökumət dairələri belə bir fikir yaymağa başlayıblar ki, Həsənov hakimiyyət iddiasında olub və müəyyən dairələr tərəfindən Heydər Əliyevin mümkün davamçısı kimi dəyərləndirilib. Daha sonra Eldar Həsənovun diplomatik işə keçirilməsindən sonra onun siyasi ambisiyaları haqda şayiələr yayılıb. -06D—
-
- Sual-cavab
- 19 May 2021 10:41
-
- Cəmiyyət
- 19 May 2021 10:49
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz