VHP: Bu həbslər ölkənin imicinə zərbə olacaq

Vətəndaş Həmrəyliyi Partiyası (VHP) “REAL” sədri İlqar Məmmədovun və Müsavat Partiyası başqanının müavini Tofiq Yaqublunun həbsini pisləyən bəyanat yayıb. 

Müəlliflər bu həbslərdən narahat olduğunu bildirir və bunu iqtidarın siyasi təzyiq vasitəsi sayır. Bu şəxslərin İsmayıllı hadisələrini təşkil etmələri haqda rəsmi məlumatlar əsassız sayılır. Digər tərəfdən, iki şəxsin ölkənin tanınmış siyasət adamları olduğunu bildirən müəlliflər istintaq müddətində həbs-qətimkan tədbiri seçməyə ehtiyac olmadığını bildirirlər. Siyasətçilərə qarşı həbs-qətimkan tədbiri seçilməsi ittihamların siyasi olmasına şübhələri gücləndirməsi, iqtidarın siyasi fəallara dözümsüz yanaşması kimi dəyərləndirilir. Bu həbslərin ölkənin imicinə zərbə vuracağını qeyd edən müəlliflər iqtidarı bu üsullardan əl çəkməyə, ortaya siyasi iradə qoymağa, hər iki  siyasətçini istintaq müddətində azadlığa buraxmağa çağırırlar. -05D-