Elektron hökumət: fəaliyyət və problemlər

Çərşənbə günü RATİ-də “Elektron hökumət layihəsi üzrə maarifləndimə işi” layihəsi çərçivəsində konfrans keçirilib. 

RATİ-nin rəhbəri Emin Hüseyn elektron hökumətin yaradılması sahəsində 2012-ci ilin yayından bu yana ciddi addımlar atıldığını deyib. Vətəndaşlara xidmətləri asanlaşdırmaq üçün elektron xidmət qurumları yaradılması təqdir edilib. Bu sahədə mütəxəssis çatışmazlığını aradan qaldırmaq üçün informasiya texnologiyaları universiteti yaradılması təqdir olunub. Bu sahənin inkişafı üçün dövlət sərmayəsi qoyulması bəyənilib. Bununla yanaşı? beyənlxalq şirkətlərin bu sahəyə investisiya qoyması təklif edilib. Bu yaxınlarda kosmosa çıxarılması nəzərdə tutulan Azərbaycan rabitə peykinin ölkə vətəndaşlarının sürətli internet və rəqəmsal informasiya texnologiyalarına çıxışını asanlaşdıracığına ümid ifadə edilib. Həm də ictimai qurumların bu sahədə problemləri aşkar etməklə onun daha sürətli inkişafına xidmət göstərəcəyi vurğulanıb. Azərbaycanda bu sahədəki duruma dair yanvarın 19-da beynəlxalq qurumların iştirakı ilə beynəlxalq konfrans kçeiriləcəyi anonsu verilib. 

Daha sonra ayrı-ayrı qurumların təmsilçiləri elektron hökumət qurulması barədə danışıblar. Dövlət Tələbə Qəbulu Komissiyasının (DTQK) əməkdaşı İlqar Mahmudov tələbə qəbulu ilə bağlı elektron xidmətə 2006-ci ildən başladıqlarını deyib. 2006-cı ildə elektron xidmətdən cəmi 2 min nəfər istifadə edibsə, 6 il ərzində bu qərəm bütün ölkə təhsil müəssisələrini əhatə edib. Hazırda komissiya 12 növ elektron xidmət həyata keçirir. Qarşıda tələbə hazırlığı üçün sayta video-mühazirələrin yerləşdirilməsi, on-line sınaq imtahanlarının keçirilməsi, elektron attestatların verilməsi, virtual açıq apellyasiyalar təşkil olunması kimi xidmətlərin təşkili durur. ASAN müştərilərə elktron xidmətinin əməkdaşı Anar Hüseynov xidmətin 21 gündür ki, fəaliyyətə başladığını bildirib. 23 xidmət növü həyata keçirilir. 21 gün ərzində 9 min vətəndaş xidmətə müraciət edib. Xidmət öz işini vahid əlaqələndirilmiş şəkildə həyata keçirmək, dövlət qurumları arasında qarşılıqlı infoirmasiya əlaqələri qurmaq istiqamətlərində icra edir. Xidmət hələlik Bakının Nəsimi və Nərimanov rayon sakinlərinə xidmət edir. İlin sonuna kimi paytaxtın bütün rayonlarının sakinlərinə, gələcəkdə isə Sumqayıt sakinlərinə xidmət nəzərdə tutulur. Xidmətin fəaliyyəti həm də korrupsiya və rüşvətə qarşı mübarizə kimi dəyərləndirilib. Xidmətin ətrafına daha çox vətəndaş cəlb etmək üçün sosial şəbəkələrdə piar təşkli edilib. 

Hüquqşünas Ələsgər Məmmədli bu sahədə görülən işləri təqdir etsə də, yetərli saymayıb. 40 dövlət qurumunun 400-ə yaxın elektron xidmət göstərməsi qeyd edilib, bunların bir çoxu əhəmiyyətli sayılmayıb. Həm də elektron xidmətin Bakı saknilərilə kifayətlənməsi tənqid edilib. Ölkənin rayon sakinlərinin bu xidmətdən yararlana bilməməsi ciddi qüsur adlandırılıb. Rayonlarda internetə ciddi ehtiyac olmasına baxmayaraq, bu məsələnin həllini tam tapmaması vurğulanıb. Bununla bağlı media qurumlarının bu sahədəki problemlərə diqqəti artırması vacib hesab edilib. -05C-