![Vyanada ATƏT-in tədbirində Azərbaycanda seçkilər problemi müzakirə olunub](https://turan.az/resized/media/2012/main/071600005460-750-500-resize.webp)
Vyanada ATƏT-in tədbirində Azərbaycanda seçkilər problemi müzakirə olunub
Ötən həftənin sonlarında Vyanada Azərbaycanda “Demokratik seçkilər və seçki müşahidəçiliyi” mövzusunda işçi görüşündə seçkilərin demokratikliyinin təmin olunması məsələləri müzakirə edilib. Tədbir ATƏT-in Demokratik Təsisatlar və İnsan Hüquqları Bürosunun və ATƏT-də sədrlik edən İrlandiya Xarici İşlər Nazirliyinin təşkilatçılığı ilə keçirilib.
Görüşdə çıxış edən Seçkilərin Monitorinqi və Demokratiyanın Tədrisi Mərkəzinin sədri Anar Məmmədli qeyd edib ki, 7 noyabr 2010-cu il parlament seçkilərindən sonra siyasi azadlıqlar və seçki mühiti sahəsində müsbət dəyişikliklər baş verməyib. ATƏT-in seçki müşahidə missiyasının həmin seçkilər üzrə hazırladığı hesabatda qeydə alınmış problemlər və irəli sürülmüş tövsiyələr üzrə ardıcıl tədbirlər və müzakirələr keçirilməyib.
A.Məmmədli 2013-cu ildə keçiriləcək prezident seçkiləri ərəfəsində bütün maraqlı tərəflərin iştirakı ilə dialoqun keçirilməsini və bu prosesə Avropa Şurası Venesiya Komissiyasının cəlb olunmasını vacib sayıb. -06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz