Azərbaycan Milli QHT Forumu Əmək və Əhalinin Sosial Müdafiəsi Nazirliyinin dəstəyilə “Əlillərin və məhdud imkanlı şəxslərin hüquqlarının müdafiəsi, onların cəmiyyətə inteqrasiyası” layihəsini həyata keçirir.
Layihə onların hüquqlarını təmin etməli olan qurumlarla - yerli icra hakimiyyəti orqanları, bələdiyyələr, hüquq-mühafizə orqanları, vətəndaş cəmiyyəti və media ilə işi də nəzərdə tutur.
Layihə 6 ay müddətinə nəzərdə tutulub və Bakının 11 rayonunu, Abşeron rayonunu, Sumqayıt və Mingəçevir şəhərlərini əhatə edəcək.
Layihə çərçivəsində iyulun 16-da Səbayel rayon İcra Hakimiyyətində rayonun müxtəlif idarəetmə qurumlarının və sosial xidmətlərin nümayəndələri ilə görüş keçirilib.
QHT Forumunun rəhbəri Rauf Zeyni qeyd edib ki, layihədə məqsəd yalnız əlillərin hüquqlarının müdafiəsinə və problemlərinin həllinə yardım göstərmək deyil, həm də cəmiyyətdə əlillərə münasibətin dəyişdirilməsi üzrə maarifləndirici işi aparmaqdır.
“Əlillərə münasibətlə bağlı stereotipi aradan qaldırmaq lazımdır. Onlar üçün maksimum şərait yaradılmalıdır: təhsil, informasiya-kommunikasiya texnologiyalarından istifadə imkanları təmin olunmalıdır”, - Zeyni vurğulayıb.
Əmək və Əhalinin Sosial Müdafiəsi Nazirliyinin sektor rəisi İsgəndər Mustafayev bildirib ki, əlilllərlə bağlı onların cəmiyyətə aktiv inteqrasiyasını nəzərdə tutan tibbi modeldən sosial modelə keçid həyata keçirilir. Bundan ötrü əlillər təhsil almaq, çalışmaq imkanları əldə etməlidir, nəqliyyatda və digər infrastrukturda onların tələbatı nəzərə alınmalıdır.
Yeni Şəhərsalma Məcəlləsinə görə, bütün obyektlərin inşası zamanı əlil arabalarının hərəkət etməsi, girib-çıxması üçün imkanların yaradılması nəzərdə tutulub. Bundan əlavə, dövlət hər əlilin fərdi reabilitasiyası proqramını hazırlayır.
Bununla yanaşı hamiləliyin ilk həftələrində körpənin səhhətində mümkün qüsurların proqnozlaşdırılması və öyrənilməsi məqsədilə perinatal mərkəzlərin genişləndirilməsi üzrə tədbirlər nəzərdə tutulub. Bu, həmin problemlərin aradan qaldırılması üçün profilaktik tədbirlərin həyata keçirilməsinə imkan verəcək.
Nazirliyin nümayəndəsi qeyd edib ki, qanunvericilik yalnız iki halda əlillərlə əmək müqaviləsinin bağlanmasına icazə vermir: əgər onların səhhəti konkret bu işi görməyə imkan vermirsə; əgər onların işi özlərinin və digər adamların həyatları üçün təhlükə törədirsə.
Görüş zamanı Səbayel rayonunda əlillərə göstərilən qayğıdan danışılıb. Rayonda məhdud imkanlı şəxslərin ümumi sayı 3550 nəfərdir. 219 saylı xüsusi məktəb fəaliyyət göstərir. Burada 742 əlil uşaq 11 illik təhsil alır.
Bundan əlavə, rayon hakimiyyəti əlil uşaqlar üçün əyləncəli tədbirlər, “Park-sinema” kinoteatrında film nümayişləri, Bakı buxtasında kater gəzintiləri təşkil edir, maddi yardım göstərir. —06S—
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz