Xəzəryanı ölkələrin xarici işlər nazirləri Moskvada görüşəcəklər

Bakı/29.11.23/Turan: Dekabrın 5-də Moskvada Rusiyanın xarici işlər naziri Sergey Lavrovun sədrliyilə Xəzəryanı dövlətlərin xarici işlər nazirlərinin görüşü olacaq. Bu barədə çərşənbə günü brifinqdə Rusiya Xarici İşlər Nazirliyinin nümayəndəsi Mariya Zaxarova bildirib.

" Dekabrın 5-də Moskvada bizim ölkənin xarici işlər naziri Sergey Lavrovun sədrliyilə Xəzəryanı dövlətlərin - Azərbaycan, İran, Qazaxıstan, Rusiya və Türkmənistanın xarici işlər nazirlərinin görüşü planlaşdırılır", - TASS Zaxarovadan sitat gətirib.

Tədbir 2022-ci ilin iyununda Aşqabadda keçirilən altıncı Xəzər sammitində razılaşdırılmış mandat çərçivəsində yeni müntəzəm nazirlər dialoquna başlayacaq, o deyib.

Görüş zamanı "Xəzəryanı əməkdaşlığın inkişaf prioritetləri vurğulanmaqla qarşılıqlı maraq doğuran məsələlərin nəzərdən keçirilməsi planlaşdırılır",- Zaxarova əlavə edib. – 06B-