Tütün məmulatlarının qanunsuz dövriyyəsilə məşğul olan şəxslərə cinayət işi qaldırılıb
Bakı/29.11.23/Turan: Baş prokuror yanında Korrupsiyaya Qarşı Mübarizə Baş İdarəsi və Dövlət Gömrük Komitəsi Salyan rayon sakini Fəxrəddin Ağamalıyevin və Biləsuvar rayon sakini Ülvi Əmirlinin ümumilikdə 39 adda və 61 mindən çox qutudan ibarət tütün məmulatını aksiz markası ilə markalanmadan qanunsuz yolla əldə etdiklərini müəyyən edib.
Baş Prokurorluğun və Dövlət Gömrük Komitəsinin birgə məlumatında deyilir ki, adları sadalanan şəxslərin yaşayış ünvanlarında aparılmış axtarışlarla tütün məmulatları aşkar edilərək götürülüb.
İlkin sübutlara əsasən Fəxrəddin Ağamalıyev və Ülvi Əmirli Cinayət Məcəlləsinin 213-1.2.1 və 213-1.2.3-cü (qabaqcadan əlbir olan bir qrup şəxs tərəfindən külli miqdarda aksiz markası ilə markalanmalı olan malların belə marka olmadan və məcburi nişanlama ilə nişanlanmalı olan malların nişanlanmadan satış məqsədilə saxlanması) maddələrilə təqsirləndirilən şəxs qismində cəlb ediliblər. Onların barəsində polisin nəzarəti altına vermə qətimkan tədbiri seçilib. -0-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz