XİN: Vəziyyətin kəskinləşməsinə görə məsuliyyət Ermənistanın üzərinə düşür

Aprelin 2-nə keçən gecə Ermənistan Silahlı Qüvvələri ağır silahlardan istifadə edərək qoşunların təmas xətti boyunca Azərbaycan Silahlı Qüvvələrinin mövqelərini intensiv atəşə tutaraq onlara hücum edib. Həmçinin mülki əhali artilleriya atəşinə məruz qalıb. Bu barədə Azərbaycan XİN rəsmi nümayəndəsi Hikmət Hacıyev bildirib.

Erməni tərəfin qəsdən təxribat və məsuliyyətsiz hərəkətləri səbəbindən mülki vətəndaşlar arasında ölən və yaralananlar var, şəxsi mülkiyyətə ciddi ziyan dəyib.

Beynəlxalq birlik Ermənistanın hərəkətlərini qətiyyətlə pisləməlidir. Yaranmış vəziyyətə görə məsuliyyət Ermənistanın üzərinə düşür, H.Hacıyev qeyd edib.

Cəbhədə vəziyyətin kəskinləşməsilə bağlı erməni tərəfinin hərəkətləri Azərbaycanın Kəlbəcər rayonunun 1993-cü ilin aprelində Ermənistan tərəfindən işğalının növbəti ildönümünə təsadüf edir.

BMT TŞ Kəlbəcər rayonunun işğalı ilə bağlı qətnamə qəbul edib 822 (1993).

Bu və BMT TŞ-nin digər qətnamələrində -

853 (1993), 874 (1993) və  884 (1993)  Ermənistan qoşunlarının Azərbaycan ərazisindən qeyd- şərtsiz çıxarılması tələb olunur.

Azərbaycan tərəfi dəfələrlə bəyan edib ki, erməni qüvvələrinin işğal edilmiş ərazilərdə olması münaqişənin nizamlanmasına başlıca əngəldir və insidentlərin davam etməsinə səbəb olur.06D-