XKX rəhbəri Mərkəzi Asiya ölkələrini Qərbin maxinasiyaları ilə qorxudur

Rusiya Xarici Kəşfiyyat Xidmətinin rəhbəri Sergey Narışkin Qərbin Azərbaycan və Cənubi Qafqaz ölkələrinə qarşı maxinasiyaları haqqında bəyanatlarından sonra Mərkəzi Asiya ölkələrini də bununla qorxutmağa başlayıb.

O, Astanada MDB-yə üzv dövlətlərinin təhlükəsizlik orqanları rəhbərlərinin Şurasının iclasında bildirib ki, "Qərb Ukraynada sağ qalan terrorçulardan Avrasiyada sabitliyi pozmaq üçün istifadə etmək niyyətindədir". 

"Ukrayna münaqişəsi başa çatdıqdan sonra döyüşçülərdən bütün Avrasiya regionunda sabitliyi pozmaq üçün istifadə edilməsinin nəzərdə tutulduğu haqqında məlumatlar var", deyə TASS agentliyi XKX-nin rəhbərindən sitat gətirir. 

Onun sözlərinə görə, ABŞ SQ-nin Et-Tanf bazasında Ukrayna Müdafiə Nazirliyinin Baş Kəşfiyyat İdarəsinin bir qrup zabiti var, onlar ABŞ və Böyük Britaniya xüsusi xidmətlərinin köməyi ilə və İdlibdə işğalçı Türkiyə administrasiyasının razılığı ilə terroristləri əməkdaşlığa cəlb edirlər.

Eyni zamanda, Narışken Qərbin niyə Avrasiyada sabitliyi pozmaq istədiyini izah etməyib.