• contact.az Contact
  • Bakı
  • Sunny26.10 C
  • Şənbə, 27 İyul 2024
    • flag_EN
    • flag_RU

Son yenilənmə

(1 saat əvvəl)
Xorvatiya investisiya istəyir
A- A A+
EN RU
Turan İnformasiya Agentliyi
Turan İnformasiya Agentliyi

Xorvatiya investisiya istəyir

Bazar ertəsi Zaqrebdə Azərbaycan və Xorvatiya prezidentləri İlham Əliyevlə İvo Yosipoviçin görüşündə iki ölkə arasında strateji tərəfdaşlıq haqqında bəyannamə imzalanıb.

 
  Bəyannamədə iki ölkənin ərazi bütövlüyünün qarşılıqlı olaraq dəstəklənməsi əksini tapıb.
 
  “Azərbaycanla Xorvatiya ciddi problemlərin yaşandığı regionlarda yerləşirlər. Hər iki dövlət həm Qafqazda, həm də Xorvatiyanın cənub-şərqində sabitliyin və təhlükəsizliyin bərqərarında maraqlıdır.
 
  Xorvatiya Dağlıq Qarabağın və digər ərazilərin işğalı ilə əlaqədar münaqişələrin dinc nizamlanmasını dəstəkləyir. Biz beynəlxalq hüquq normalarının tətbiqinə və dinc nizamlanmaya tərəfdarıq”- , Yosipoviç danışıqlardan sonra keçirilən  brifinqdə bildirib.
 
  Danışıqlar zamanı enerji əməkdaşlığının inkişafı və investisiyalar məsələləri müzakirə olunub.
 
  İ.Əliyev qeyd edib ki, Azərbaycanın irəli sürdüyü layihələr, əsasən TANAP və onun uğurla reallaşması Azərbaycan qazının Avropaya nəqlinə xidmət edəcək. “Təbii ki, Xorvatiya bu istiqamətdə də bizim yaxın tərəfdaşımız  olacaq”, - o vurğulayıb.
 
  İ.Əliyev Azərbaycanın turizm, yüksək texnologiyalar, sənaye, daşınmaz əmlak, energetika da daxil olmaqla, Xorvatiya iqtisadiyyatının müxtəlif sahələrinə  investisiya qoymaq imkanlarını qeyd edib. 
 
  Öz növbəsində Yosipoviç deyib ki, Xorvatiya energetika sahəsində əməldaşlıqda çox maraqlıdır.
 
  “Xorvatiyanın Azərbaycana çoxlu təklif var. Bunlar ilk növbədə gəmiqayırma və gəmi təmiri zavodlarıdır, bu sahədə imzalanmış sazişlərin reallaşmasına yaxın zamanlarda başlanılacaq. Digər tərəfdən, dəmir yolu əlaqəsi üzrə infrastruktur layihələri var. Xorvatiya yaxşı vaqonlar istehsal edir. Bu da bizim danışıqlarda müzakirə mövzularından biri olub”, - o bildirib.
 
  Həmçinin tərəflər bütün iqtisadi məsələlərin həlli üçün birgə hökumətlərarası komissiyanın yaradılması barədə razılığa gəliblər. 
  İ.Əliyevin Xorvatiyaya səfəri çərçivəsində birgə biznes-forum keçirilib.—06D-

Rəy yaz

Siyasət

Bizi sosial şəbəkələrdə izləyin

Xəbər lenti