Yadigar Sadıqovun hüquqlarını Müdafiə Komitəsi təsis edilib

Çərşənbə günü Müsavat Partiyasının qərargahında keçirilən “dəyirmi masa”da partiyanın başqan müşaviri Yadigar Sadıqovun  hüquqlarını Müdafiə Komitəsi təsis olunub.

Hüquqşünas Elman Fəttah komitə sədri seçilib, başqan müavini Gülağa Aslanlı komitə sədrinin müavini olub.

Komitə sədri qurumun əsas vəzifəsi Y.Sadıqovun hüquqlarının qorunması, bu həbslə bağlı beynəlxalq qurumların məlumatlandırılması, onun vicdan məhbusu kimi tanıdılması, azadlığa çıxmasının təmin olunmasıdır. 

Ölkənin bir sıra tanınmış siyasətçiləri, jurnalistləri komitənin üzvləri sırasındadır.  Komitə Y.Sadıqovun həbsini qanunsuz adlandırıb. Y.Sadıqovun müdafiəsinin ciddi təşkil olunacağı, Lənkəranın yerli ziyalılarının içində Y.Sadıqova dəstək qrupu yaradılacağı deyilib, fəaliyyətlərin koordinasiya olunacağı nəzərə çatdırılıb. 

Müsavat Partiyası başqanının müşaviri Y.Sadıqov iyunun 27-də Lənkəran şəhər sakini Rəşid Kərimovun şikayəti əsasında saxlanılıb. O, silah və ya silah qismində istifadə edilən əşya tətbiq etməklə xuliqanlıqda ittiham edilir. R.Kərimov iyunun 25-də Y.Sadıqovun onu iki nəfərlə birgə döydüyünü iddia edir. Y.Sadıqov iddianı rədd edərək bu şəxsi tanmadığını və bunu hakimiyyətin “qurduğu oyun” adlandırır. İyunun 29-da Lənkəran Rayon Məhkəməsi Y.Sadıqovun barəsində 2 aylıq həbs qətimkan tədbiri seçib.-05C-