İctimai Palata Yadigar Sadıqova azadlıq tələb edir

İctimai Palata Müsavat Partiyasının başqan müşaviri Yadigar Sadıqovun həbsinə etiraz olan bəyanat yayıb. 

Sənəddə bu il prezident seçkiləri yaxınlaşdıqca iqtidarın müxalifətə qarşı repressiyaları artırmasına diqqət çəkilir. Y.Sadıqova qarşı xuliqanlıq maddəsilə cinayət işinin başlanması qondarma, Lənkəran Rayon Məhkəməsinin onun barəsində 2 aylıq həbs qətimkan tədbiri seçməsi əsassız sayılır. 

Y.Sadıqovun Lənkəran şəhərində təxribat törədən bir şəxsin ifadəsi əsasında həbs olunduğu, bu ifadənin sifarişli olduğu deyilir. Y.Sadıqovun həbsi iqtiodarın hazırladığı təxribat kimi dəyərləndirilir. 

Müəlliflər bəyan edirlər ki, Y.Sadıqovun şərlənərək həbsini gerçək motivi fəal müxalifətçi mövqeyində dayanmasıdır. Y.Sadıqov Müsavat Partiyası başqanı İsa Qəmbərin bu ilin yanvarında Lənkərana dəvət edilməsinin təşəbbüsçülərindən biri olub. Sosial şəbəkələrdə iqtidarı davamlı və açıq şəkildə tənqid edib, Lənkəran və ətraf rayonlarda cəmiyyəti seçki ilində fəallığa səsləyib. 

Müəlliflər iqtidarı repressiyalardan çəkinməyə çağırır, Y.Sadıqovun dərhal həbsdən azad olunmasını və ona qarşı qanunsuzluqlara rəvac verənlərin məsuliyyətə cəlb olunmasınbı tələb edirlər.-05D-