Yaponiyanın yeni İmperatorunun taxta çıxması münasibətilə Bakıda ziyafət təşkil edilib
Bakı/19.06.19/turan: İyunun 19-da Yaponiyanın Azərbaycandakı səfirliyi yeni imperatorun taxta çıxması münasibətilə ziyafət təşkil edib.
Yaponiya səfiri Teruyuki Katori bildirib ki, bu il aprelin 30-da İmperator Akihito 30 il imperatorluq etdikdən sonra taxt-tacdan imtina edib və mayın 1-də vəliəhd şahzadə Naruhito 126-cı imperator elan olunub. Onun sözlərinə görə , yeni imperatorun taxta çıxması ilə Yaponiyada yeni era - "Reiva" (Gözəllik və Harmoniya) erası başlayıb.
Diplomat qeyd edib ki, Yaponiyadakı İmperator ailəsi dünyanın ən uzunömürlü irsi monarxiyası sayılır.
Azərbaycan hökuməti adından çıxış edən ekologiya naziri Muxtar Babayev ikitərəfli münasibətlərin dinamik şəkildə inkişafını qeyd edib. O, Azərbaycanın iqtisadiyyat, kənd təsərrüfatı və ətraf mühit sahələrində Yaponiya ilə əməkdaşlığın genişləndirilməsində maraqlı olduğunu bildirib.
Yaponiya Azərbaycana böyük investisiyalar qoyan ölkələrdən biridir, deyə Babayev bildirib. -16D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz