Yeni Azərbaycan Partiyasının fəalı 10 il azadlıqdan məhrum edilib
Hakim Yeni Azərbaycan Partiyası Gənclər Birliyinin üzvü Cəbrayıl Fərzəliyev dələduzluq və mənimsəməyə görə 10 il müddətinə azadlıqdan məhrum edilib.
O, "Pashabank"ın 342 min manat və Dövlət Gənclər Fondunun 395 min manat vəsaitini mənimsəməkdə ittiham olunub.
Məhkəmədə Fərzəliyev dələduzluq ittihamını rədd edib, lakin "səhlənkarlığa" yol verdiyini etiraf edib.
Fevralın 19-da o, son sözündə deyib ki, bankla müqaviləsi varmış və tədricən "Pashabank"ın vəsaitlini geri qaytarmağa hazır olub.
Fərzəliyevin vəkili bildirib ki, onun hərəkətlərində cinayət tərkibi olmayıb və Gənclər Fondu mülki iddia qaydasında vəsaiti tələb edə bilər.
Cəbrayıl Fərzəliyev həm də Dövlət Beynəlxalq Araşdırmalar Mərkəzinin sədrinin müşaviri olub. Mediada politoloq kimi çıxışlar edib.
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz