Yeni müxalifət təşkilatı - Azad Demokratlar Partiyası yaradılıb
Bazar günü Azad Demokratlar Partiyasının (ADP) təsis qurultayı keçirilib. Sülhəddin Əkbər partiyanın sədri seçilib.
ADP-nin təsis edilməsi üzrə Təşkilat Komitəsi 2013-cü ilin dekabrında yaradılıb. ADP Açıq Cəmiyyət Partiyasının bazasında yaradılıb. Partiyanın lideri ABŞ-da mühacirətdə olan parlamentin keçmiş spikeri Rəsul Quliyev idi.
Prezident seçkilərindən sonra R.Quliyev müxalifətin “qələbəni təmin etməyə qadir ola bilməməsinin məsuliyyətini” Demokratik Qüvvələrin Milli Şurasının, həmçinin AXCP və Müsavat Partiyası liderlərinin üzərinə qoyub.
R.Quliyev siyasi arenadan getdiyini bildirib. O zaman Sülhəddin Əkbərin sədrliyi ilə partiya rəhbərliyi yeni Azad Demokralar Partiyasını yaratmağa başladılar.
S.Əkbərin sözlərinə görə, “partiyanın ideoloji əsasları liberal demokratik dəyərlərə əsaslanır”.
ADP liberal dövlət, azad, ədalətli cəmiyyət quruculuğunu, vətəndaşların rifahının təminatını qarşısına məqsəd qoyur.
ADP Aİ və NATO ilə sıx inteqrasiyaya tərəfdardır.
S.Əkbər 1980-cı illərin sonu -1990-cu illərin əvvəli milli-demokratik hərəkatda iştirak edib. Azərbaycan Ali Sovetinin deputatı seçilib. 1992-1993-cü illər Xalq Cəbhəsi hökumətində mili təhlükəsizlik nazirinin müavini postunu tutub. Sonra Müsavat Partiyasında fəaliyyətini davam etdirib. 2012-cü ildə Müsavat Partiyasından gedib.
2012-ci ildə Açıq Cəmiyyət Partiyasının sədri seçilib. O həmçinin ictimai fəaliyyətlə məşğuldur. Azərbaycanın Avroatlantika əməkdaşlığına yardım məsələləri üzrə QHT-yə rəhbərlik edir. -0-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz