Yerevan/18.04.18/Turan: Çərşənbə günü səhərdən bir neçə min müxalifətçi nümayişçi Yerevanın mərkəzi küçələrini bağlayıb. TASS bildirib ki, etirazçılar Nazirlər Kabinetinə gedən bütün yolları bağlayırlar və maneələr qururlar.
"Etirazlar davam edəcək. Biz ölkədə hakimiyyət dəyişikliyinə nail olacağıq. Dünən təxribatçılar Maştosa prospektində qırğın törətdilər. Mən rəsmən bəyan edirəm ki, həmin adamlar bizim tərəfdarlarımız deyil", - müxalifətyönlü Vətəndaş Müqaviləsi Partiyasının lideri, parlamentin deputatı Nikol Paşinyan jurnalistlərə bildirib.
Çərşənbə axşamı tibbi maska taxmış bir qrup gənc Yerevanın mərkəzində Maştosa prospektində qırğın törədib. Onlar polislərlə dava ediblər, mağazaların vitrinlərini, işıqforları, yol hərəkəti nişanlarını sındırıblar. Polis təhqiqat aparır.
Ermənistan müxalifəti Serj Sarkisyanın baş nazir təyin edilməsinə etiraz olaraq aprelin 13-dən kütləvi aksiyalar keçirir.
Aprelin 17-də - Sarkisyanın baş nazir təsdiq olunduğu gün, müxalifət lideri N.Paşinyan bildirib ki, "məxməri inqilab"a başlayır.
O, əhalini aprelin 18-də saat 17:00-da Yerevandakı Respublika meydanında mitinqə toplaşmağa çağırıb.-02D-
Siyasət
-
İran İslam İnqilabı Keşikçiləri Korpusu (SEPAH) bildirib ki, onun Quru Qoşunları İranın şimal-qərbində Azərbaycan Respublikası Ordusu ilə birgə hərbi təlimə başlayıb.
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
Rəy yaz