Гюллю Джангирова
Bakı/18.04.18/Turan: Avropada yaşayan azərbaycanlı siyasi mühacirlər Azərbaycan Xalq Cümhuriyyətinin (ADR) tarixi haqqında kitabı nəşrə hazırlayırlar. Danimarka vətəndaşı Güllü Cahangirova AXC-nin qısa tarixinin (1918-1920) Danimarka dilinə tərcüməsini tamamlayıb, kitab Cümhuriyyətin 100 illiyi ərəfəsində (28 May) nəşr ediləcək. Kitabın nəşri xərclərini mühacirlər özləri yığıblar. Bu, Azərbaycan Respublikasının yaranması və fəaliyyəti tarixinin qısa xülasəsi olacaq. Müəlliflər Adilə Tahirzadə və Dilqəm Əhməddir.
Bu kitab Səadət Kərimi tərəfindən İsveç dilinə də tərcümə olunub və məktəblərə, kitabxanalara və Azərbaycanla maraqlanan hər kəsə pulsuz paylanıb.
"Bizim 50 səhifəlik kitabçamız Danimarka və İsveç dillərində Azərbaycan haqqında ilk nəşrdir", deyə Güllü Cahangirova Turan-a bildirib və əlavə edib ki, bu qədər çətin olacağını düşünmürdü.
"Bu günə qədər bilmədiyim çox sayda faktı kəşf etdim. Çox sayda tarixi şəxsiyyətin adını öyrəndim. 100 il əvvəl azərbaycanlıların özlərini ideallara qurban verdiyinə və müasir Azərbaycanda belə insanların, demək olar ki, qalmadığına ağladım.
İmperialist Rusiyanın dağıntıları üzərində ölkə quran insanların məhv edilməsinə ağladım. Liderlərimiz haqqında yaddaşı məhv edən insanların indi Azərbaycan hakimiyyətində olmasına, özlərini demokrat kimi qələmə verməsinə və AXC haqqında yaddaşı silməsinə görə utandım", deyə Güllü Cahangirova bildirib. -0-
Mədəniyyət
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
Rəy yaz