![](https://turan.az/resized/news/2024/LGofXCkRyG2HSfZZ4XeJXCRtSB0zd1KIZSR0O5W0-750-500-resize.webp)
Yol polisi Elşən Həsənovun saxlanılmasını şərh edib (yenilənib)
Hüquq müdafiəçisi Elşən Həsənovun saxlanmasına səbəb yol hərəkəti qaydalarını pozmasıdır, polis bildirib. Həsənov narkoloji müayinədən sonra sərbəst buraxılıb, fəal özü məlumat verib.
“Bugün saat 09:00 radələrində "Nissan" markalı 99-SJ-894 nömrə nişanlı avtomobilin sürücüsü Elşən Həsənov Bakı-Salyan yolunun 12-ci kilometrliyində hərəkət edərkən manevretmə qaydasını pozduğuna görə Dövlət Yol Polisi əməkdaşları tərəfindən saxlanılaraq barəsində inzibati protokol tərtib edilib”, -Turan-a Baş Dövlət Yol Polisi İdarəsinin ictimaiyyətlə əlaqələr şöbəsindən bildiriblər.
Həsənov Turan-a bildirib ki, saxlanıldıqdan sonra onu Sumqayıtda narkoloji müayinəyə aparıblar.
Həsənovun orqanizmində alkoqol və narkotik maddə aşkar edilməyib, bundan sonra onu sərbəst buraxıblar.
"Əgər mən yol hərəkəti qaydalarını pozdumsa, yerində cərimə yaza bilərdilər. Məni Sumqayıta aparmaq, 65 yaşlı adamı narkoloji müayinədən keçirmək nəyə lazım idi?",- Elşən Həsənov qeyd edib.
* * *
Yol polisi hüquq müdafiəçisi Elşən Həsənovu saxlayıb
Şənbə günü səhər saatlarında yol polisi hüquq müdafiəçisi, 65 yaşlı Elşən Həsənovu avtomobili ilə “Sədərək” ticarət mərkəzinə gedərkən saxlayıb.
“Bizi yol polisi heç bir səbəb olmadan saxladı. Heç bir əsas olmadan Elşən bəyi məcburi müayinə üçün narkoloji dispanserə aparırlar”, - hüquq müdafiəçisinin həyat yoldaşı Rəna Həsənova Turan-a bildirib.
Məsələ ilə bağlı Daxili İşlər Nazirliyi ilə əlaqə saxlamaq mümkün olmayıb.
Keçmiş “vicdan məhbusu” Elşən Həsənov Siyasi Məhbusların Monitorinqi Mərkəzinə rəhbərlik edir. O, həm də “Azərbaycanda Siyasi Məhbusların Azadlığı Uğrunda” Birliyinin həmsədridir.
Rəy yaz
-
- Maliyyə
- 8 İyun 2024 11:38
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
1 rəy
Togrul
2024-06-08
Еще один наркоман сл стажем.