YouTube-da Turan agentliyinin akkauntunun bloklanması cəhdi uğursuz olub
Son bir həftə ərzində YouTube sosial şəbəkəsi Turan agentliyinin səhifəsində yerləşdirilən video-materialları bloklamağa başlayıb. Ümumilikdə, son 10 ildə çəkilən 10 video- müsahibə, reportajlar və iki sənədli film bloklanıb.
Bu, hansısa Nərgiz Qocayevanın vetenimazerbaycan88@gmail.com e-mail ünvanından daxil olan şikayət əsasında edilib. O bildirib ki, guya Turan kiminsə müəllif hüquqlarını pozub.
Biz onun kim olduğunu bilmirik və belə bir şəxs bizə qarşı iddia irəli sürməyib. Qocayeva özü bizim müraciətimizə cavab verməyib və Turan-ın orijinal materiallarında kimin hüquqlarının pozula biləcəyini açıqlamayıb, belə ki, bu materiallarda Turan-ın loqosu və müəlliflərin adları göstərilir.
Görünür, bu kampaniya növbətçi şərhlər yazan və müstəqil KİV-ə qarşı təqib kampaniyasında iştirak edən hökumətyönlü trollar tərəfindən təşkil edilib.
Növbəti hədəf "258 PDM ekipajı" filmimiz olub. Film Birinci Qarabağ Müharibəsində beynəlxalq terrorçu Monte Melkonyanı məhv edən BMP-nin qəhrəman ekipajından bəhs edir və terrorçu Monte Melkonyanı öldürdüyünü iddia edən saxtakarı ifşa edir.
Belə vəziyyətdə yalnız bir sual aydın deyil: niyə YouTube anonim şikayətin əsasında bu və ya digər materialı belə asanlıqla bloklayır? Bu sosial şəbəkə ilə çoxsaylı yazışmalardan sonra iyunun 12-də Turan-ın materiallarının bloklanması aradan qaldırılıb.
Əvvəllər YouTube tərəfindən bloklanmış videokontenti təqdim edirik:
258 N-li PDM-in ekipajı (yeni versiya)
Bəxti qara bəstəkar - Cavanşir Quliyev
Bakı toyunda möhtəşəm ləzqinka https://youtu.be/JMhw7_naVAE
Stenli Klark - dünya səviyyəli musiqiçi (2)
Stenli Klark - dünya səviyyəli musiqiçi (4)
Stenli Klark - dünya səviyyəli musiqiçi (1)
"Könlüm dağlardadır" - Azərbaycan alpinizmi haqqında ilk sənədli film
Xocalıya həsr olunmuş rekviem
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz