Zurab Jvaniyanın qardaşı keçmiş nazirləri onun ölüm şəraitinin uydurulmasında ittiham edir

Tbilisi/26.10.12/Turan-BSPRES: Gürcüstanın keçmiş baş naziri, 2005-ci ildə faciəli şəkildə həlak olmuş Zurab Jvaniyanın qardaşı onun ölümünün qurama olmasında prezident Mixail Saakaşvilinin komandasında daxil olan keçmiş nazirlər qrupunu ittiham edib.

“Zurab Jvaniyanın bədbəxt hadisə nəticəsində ölməsi ilə bağlı səslənən rəsmi versiya tamamilə yalandır”, Georgi Jvaniya “Maestro” teleşirkətinin efirində, “Politmetr” proqramında bildirib. O deyib ki, Zurab Jvaniyanın dəm qazının sızması nəticəsində həlak olması barədə rəsmi versiyanın yalan olduğunu təsdiqləyən sübutlar var.

Onun sözlərinə görə, yaxın vaxtlarda Jvaniyanln ölüm şəraitinin araşdırılması üçün istintaq qrupu yaradılacaq. G.Jvaniya bildirib ki, qətlin sifarişçisi və icraçısının kimliyi ilə bağlı versiyası var, lakin bunu istintaq müəyyən etməlidir.

“Qətlin yalandan uydurulmasını Saakaşvilinin rəhbərliyi ilə Georgi Baramidze, Vano Merabişvili və Zurab Adeişvili həyata keçiriblər”, - G.Jvaniya bildirib.

Onun sözlərinə görə, keçmiş avrointeqrasiya üzrə dövlət naziri Georgi Baramidze Jvaniyanın ölüm şəraitinin uydurulmasının təşkilində birbaşa iştirak edib. 

“Təbii ki, o, prokurorluqda bu barədə danışmalı olacaq. Bunu kimin planlaşdırdığını istintaq müəyyən edəcək. Şahidlərlə  bağlı problemlər yarana bilər, lakin haqq öz yerini tapacaq”, -G.Jvaniya qeyd edib.

Zurab Jvaniya müasir Gürsüstan siyasətində əsas fiqurlardan, “Qızılgül inqilabı”nın liderlərindən biri idi. Bu inqilab nəticəsində Mixail Saakaşvili Gürcüstanın prezidenti oldu.

2005-ci il fevralın 3-də Tbilisidə kiyarə götürülmüş mənzildə onunla birlikdə Kvemo Kartli bölgəsinin (Şərqi Gürcüstan) qubernatorunun müavini Raul Yusupovun cəsədi tapılıb. İstintaqın rəsmi versiyasına görə, faciəli ölümə istilik cihazının nasazlığı ilə əlaqədar dəm qazından zəhərlənmə səbəb olub.

Jvaniyanın ailəsi bu illər ərzində istintaqın rəsmi versiyasına inanmayaraq onun ölüm şəraitinin müstəqil araşdırılmasını tələb edib. Gürcüstanda parlament seçkilərindən (“Gürcü arsuzu” koalisiyası qalib gəlib) bir neçə gün öncə “Maestro” teleşirkəti bildirib ki, yaxın vaxtlarda İnternetdə elə kadrlar yayıla bilər ki, bunlar Jvaniyanln ölüm şəraitinə aydınlıq gətirə bilər. Teleşirkət “xaricdəki səlahiyyətli mənbə”yə istinadən bildirib ki, bu cür kadrların olması barədə informasiyaya malikdir və yaxın vaxtlarda onlar açıqlanacq. Lakin “Maestro”nun söylədikləri  hələ ki həyata keçməyib.

Seçkilərdə qalib gələn “Gürcü arzusu” koalisiyasının lideri Bidzina İvanişvili bildirib ki, yeni hökumətin dövründə Zurab Jvaniyanın ölüm şəraitinin təhqiqatı davam etdiriləcək. -02D-