�Ararat bizim dağımızdır, bizim dağımız, bizim dağımız� eşitmək istəmirəm

"Mən qorxunc Əliyev haqda nağılı və ya yüksək tribunalardan "Ararat bizim dağımızdır, bizim dağımız, bizim dağımız" (erməni mahnısı -red.) ruhunda xarici siyasi mətnləri" eşitmək istəmirəm", - araşdırmaçı, elmi əməkdaş Matenadaran Gayane Ayvazyan Azərbaycan prezidenti İlham Əliyevin Rusiyada "Valday" sammitindəki bəyanatını (Əliyevin çıxışı aşağıda - red.) şərh edərək yazır.

"Cəsarətli erməni mətbuatının və diplomatların Əliyevin Soçidəki bəyanatına reaksiyasını oxuyuram. O, Nikol Paşinyanın irəli sürdüyü iki ziddiyyətli məqama cavab verdi: a) Artsax Ermənistandır, nöqtə, b) məsələnin həlli Ermənistan, Azərbaycan və Dağlıq Qarabağ xalqları üçün məqbul olmalıdır. Əliyev isə öz növbəsində "Qarabağ Azərbaycandır" və ~. deyə səsləndi. Ermənistan mətbuatı əsasən bu hissəni ağlaşmaya və təntənəyə təhrik edərək yayır. Erməni məmurlar bunu demonizə edirlər, ancaq cavabı özün danışdığın ruhda almaq təbiidir. Ermənistan mətbuatının əsasən yan keçdiyi ikinci hissədə o, Ermənistanın baş nazirinə çox ağıllı irad tutdu, dedi ki, Dağlıq Qarabağ xalqı yoxdur, bərabər hüquqlara malik erməni və azərbaycanlı xalqlarından ibarət Dağlıq Qarabağ əhalisi var. Bu, çox savadlı ifadədir, mən erməni tərəfin buna reaksiyasını eşitmək istəyirəm. Qorxunc Əliyev haqda nağılı və ya yüksək tribunalardan "Ararat bizim dağımızdır, bizim dağımız, bizim dağımız" ruhunda xarici siyasi mətnləri eşitmək istəmirəm", - Ayvazyan yazıb.