- Söz istəyirəm
- 29 Aprel 2013, 12:14
- 103
Avropa Azərbaycanlıları Milli Birlik Şurasının Azərbaycanda yardılması nəzərdə tutulan Milli Şura ilə bağlı bəyənatı
Qısa fasilə ilə 44 il bir ailə tərəfindən idarə olunan Azərbaycan Respublikasında bu il prezident seçkiləri keçirilməlidir.
Əhalinin mütləq əksəriyyətinin narazı olduğu, əxlaqı siyasətdən maksimum uzaqlaşdıran, insanlarımızı aldadan, şərləyən, həbsxanalara atan, oğurlayan, öldürən, dərin korrupsiya ilə məşğul olan, əhalinin əmlakına əl qoyan, onu zəpt edən, əsrlərdən bəri formalaşan mədəniyyətimizi, mentalitetimizi, adət-ənənələrimizi məhf edən, Azərbaycanı parca-parça edən, onu min bir yerə bölən, xalqa məxsus olan ali dövlət hakimiyyətini mənimsəyən Əliyev rejimi Azərbaycan xalqının sərvətləri hesabına özünə böyük bir şər qalası tikmiş və onun vasitəsilə xalqın iradəsini növbəti dəfə zorlayaraq növbəti müddətə prezidentlik kürsüsünü qamarlamaq niyyətindədir.
Ölkədə hazırkı avtoritarizmə müxalifətdə dayanan və demokratik dəyişiklik istəyən qüvvələr isə dağınıq spektrdə fəaliyyət göstərirlər. Onların əksəriyyəti öz namizədilə seçkiyə getməklə bağlı mövqe sərgiləyir, bu da xalq kütlələrində demokratik dəyişikliyə ümidləri qırır, vətəndaşların qol-qanadını sındırır.
Anlamaq lazımdır ki, indiki şəraitdə hətta bütün narazı xalqın birliyi belə prezident seçkilərində asanlıqla qələbənin təminatına şans vermir.
Avtoritar rejimin seçkilərin saxtalaşdırılmasıla bağlı böyük təcrübəsi var və qüvvədə olan seçki qanunvericiliyi də onlara istədikləri saxtakarlığı rəsmiləşdirməyə imkan verir. Belə olan şəraitdə qabağımızda dayanan şər qalasına qalib gəlmək yalnız xalqımızın monolit birliyinə nail olmaqla mümkündür. Prezident seçkilərinə 6 aydan da az vaxt qalır.
Dəyişiklik istəyən siyasi təsisatların məqsədə çatma üçün bir yolu qalır: təcili şəkildə birləşmək və seçkiyə vahid platformada getmək. Bunun başqa alternativi yoxdur.
Biz Avropa Azərbaycanlılarının Milli Birlik Şurası olaraq bəyan edirik ki, Rüstəm İbrahimbəyovun irəli sürdüyü “Milli Şura” layihəsi qarşıdan gələn prezident seçkilərində xalqımızın bütün narazı təbəqələrini avtoritarizmə qarşı səfərbərliyə alıb birləşdrən bir format ola bilər. Biz bu layihəni dəstəkləyir və onun baş tutması üçün qüvvələrimizi səfərbər etməyə hazırıq.
Məhz ölkədə demokratik dəyişilikləri dəstələyən yaradılacaq Milli Şurada vahid namizədin dəstəklənməsinin vacib olduğunu bildirir, bu istiqamətdə bütün səyləri birləşdirməyə və seçkilərin demokratik keçirilməsinə nail olmağa çağırırıq.
Qabil Rzayev,
Avropa Azərbaycanlıları Milli Birlik Şurasının sədri
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz