![Azad Gənclik Təşkilatının Bəyanatı](https://turan.az/resized/750/500/resize/media/2013/main/051900036732.jpg)
- Söz istəyirəm
- 20 May 2013, 11:36
- 57
Azad Gənclik Təşkilatının Bəyanatı
Biz, Azad Gənclik təşkilatı olaraq, hakimiyyətin gənclərə qarşı başladığı repressiyaları şiddətlə qınayırıq. Seçki ilinin əvvəlindən artan xətlə davam edən bu təzyiqlərin nəticəsində saxta ittihamlarla, ədalətsiz məhkəmə prosesləri ilə Nida VH üzvləri Məməmməd Əzizov, Şahin Novruzlu, Bəxtiyar Quliyev, Zaur Qurbanlı, AXCP GK üzvləri Tural Həsənzadə, Daşqın Məlikov, NİDA VH rəhbərlərindən Üzeyir Məmmədli, Rəşad Həsənov və Rəşadət Axundovdan sonra təşkilatımız üzvü İlkin Rüstəmzadə də qanunsuz olaraq mayın 17-də həbs edilib.
İlkin Rüstəmzadəyə qarşı Cinayət Məcəlləsinin 221-ci (xuliqanlıq) maddəsinin iki bəndi ilə (221.2.1 və 221.2.2) ittiham irəli sürülüb və haqqında 2 aylıq həbs qəti-imkan tədbiri seçilib. Prokurorluq üzvümüzü "Harlem Shake" videosunu hazırlanmaqda və internetdə yaymaqda ittiham edir. Bildiririk ki, birinci növbədə İlkin Rüstəmzadə həmin videonun hazırlanması və yayılmasında iştirak etməyib. Üstəlik də o videonun hazırlanması və yayılmasını xuliqanlıq hesab etmək ölkəmizdə hüquq-mühafizə sisteminin necə bərbad gündə olduğunu bir daha sübut edir. "Harlem Shake" dünyanın bütün ölkələrində təşkil olunur və sırf əyləncə xarakterli rəqs etmək aksiyalarıdır.
Azad Gənclik Təşkilatı olaraq bildiririk ki, İlkinin həbsi birbaşa onun sosial şəbəkələrdəki aktivliyi, əsgər ölümləri ilə bağlı keçirilən mitinqlərdəki çağırışları və ümumiyyətlə aktiv fəaliyyəti ilə bağlıdı. Gənclərə göstərilən münasibəti pisləyir və bu özbaşınalığı ölkəmizin gələcəyinə biganə qalmayan gəncliyin fəallaşmasına qarşı atılan addım hesab edirik.
Feodal təfəkkürlü avtoritar rejim başa düşməlidir ki, gənclərə qarşı repressiyalar öz sonlarını daha da labüdləşdirir. Bəyan edirik ki, həbsə atılan hər bir gənc ölkəmizin zülmətdən işıqlığa doğru aparan yolu göstərmiş, gələcəyimiz üçün apardığımız mübarizədə daha da ruhlandırmış, gözəl gələcəyə olan inamımızı daha da möhkəmləndirmişdir.
-
- İqtisadiyyat
- 20 May 2013 11:32
-
- Cəmiyyət
- 20 May 2013 11:56
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz