Azərbaycan Respublikasının Prezidenti Cənab İlham Əliyevə

AÇIQ MƏKTUB

Möhtərəm, cənab Prezident!

Bu məktub bizim yuxarıda qeyd edilən ünvanda yaşayan sakinlər tərəfindən Sizə ünvanladığımız haray səsimizdir.

Bizim dəfələrlə Sizə və 1-ci Vitse Prezidentə, Administrasiyaya kollektiv şikayət ərizələri yazmağımıza baxmayaraq haqq səsimizə cəvab verən yoxdur.

Ümidimiz Sizədir Cənab Prezident!

Biz inanırıq ki, yazdıqımız məktublar gizlədir,Sizə məruzə edilmir və buna görə də bu açıq məktubu Sizə ünvanlamaq qərarına gəlmişik.

Nazirlər Kabinetin 25.02.2016-cı il tarixli 86 nömrəli Qərarında sui-istifadə halı tapan Nəsimi rayon İcra Hakimiyyəti başçısı Asif Əsgərov və "Gloria Palace" MTK-nın rəhbərliyi ilə əlbir olaraq bizi öz yaşadığımız fərdi yaşayış evlərimizdən məcburi qaydada çıxarmağa çalışırlar.

İH başçısının 21 oktyabr 2016-cı il tarixli "Yaşayış və qeyri-yaşayış binaların layihələndirilməsi haqqında" 196 saylı sərəncəmı ilə yaşadığımız ərazidə söküntü işləri aparılması "Gloria Palace" MTK-ya həvalə edilmişdir.

Belə ki, mülkiyyətçilər barəda Nəsimi rayon məhkəməsində Asif Əsgərovun havadarlığı ilə qanunsuz olaraq, hətta Sizində göstərişlərinizə məhəl qoymadan faktiki sahəyə yox çıxarışda oıan sahəyə 15% əlavə verilməklə məcburi çıxarma ilə bağlı iddia qaldırılmışdır.

Öz vəzifə səlahiyyətlərindən sui-istifadə edən başçı Asif Əsgərov məhkəmələrə təziq gözətməkdən belə çəkinmir.

Nazirlər Kabinetin 86 nömrəli, 25.02.2016-cı il tarixli Qərarında, Nəsimi rayonu üzrə "pilot layihə" 226 yaşayış binası salınmışdır ki, bizim də evlər həmin siyahında yoxdur.

Lakin, mülkiyyətçisi olduğumuz evlərin siyahıda olmamasına baxmayaraq İcra Hakimiyyəti "yalançı pilot layihə" adıyla sakinlərdən əl çəkmir. Sakinlərə qarşı müxtəlif təzyiq üsularından istifadə edir.

Artıq bu təziyiqlər öz acı nəticələrini göstərmişdir, belə ki ərazidə yaşayan bir neçə sakin təzyiqlərə tab gətirməyərək şəkər, ürək xəstəliklərinə tutulmuşlar.

Mülkiyyətçilərin biri Osmanova Xalsa Xan qızı isə İH-nin vəzifəli şəxsləri ilə görüşdən sonra əsəbdən insult keçirərək bir müddət sonra vəfat etmişdir.

Prezident Administrasiyadan Asif Əskərova sakinlərə görüşməyin vacibliyi bildirilsədə bu fövqəlqüdrətli yerli İH-nin başçı özünə rəva bilib sakinlərlə görüşmür, Prezident Administrasiyasından gələn tapşiraqlarla saymazyana yanaşaraq əməl etmir.

Cənab Prezident! Siz hər zaman xalqın yanında olmusunuz, yürütdüyünüz düzgün siyasət nəticəsində dünya səviyəsində hər bir Azərbaycanlının fəxrlə "Azərbaycanlıyam!" deməsinə nail olmusunuz.

Çiçəklənən doğma Azərbaycan! Tarix yazan İlham Əliyev.

Siz dəfələrlə öz çıxışlarınızda vurğulamısınız ki, yerli icra başçılarını vəzifəyə təyin edərkən onlara xalqa xidmət etmələri barədə göstəriş verisiniz, lakin görünən budur ki Asif Əsgərov sizin tapşırıqlarınızı nəzərə almır.

İH-i başçının bu cür laqeyidliyi sakinləri cana doyurub. Bu gədər özbaşınalıq, saymamazlıq olmaz.

Konstitusiya və qanunlarımıza hörmət etmək lazımdır, Siz bunu hər dəfə vurğulayırsınız.

Azərbaycan Respublikası Konstitusiyasının 13-cü maddəsinin 1-ci hissəsinə əsasən, Azərbaycan Respublikasında mülkiyyət toxunmazdır və dövlət tərəfindən müdafiə olunur.

Hörmətli canab Prezident, biz demokratik dövlətdə yaşayırıq. Demokratik dövlətdə isə qanunun aliliyi ən vacib şərtdir. Siz isə bu qanunun aliliyinin qarantısınız. Ona görə də ümüdümüz ancaq Sizədir.

Yuxarıda qeyd edilənləri nəzərə alaraq, Nəsimi rayon İcra Hakimiyyətinin başçısı Asif Əsgərovun qanunsuz və özbaşına əməllərinə son qoyulmasına, sakinlərin konstitusion hüquqlarının pozulmamasına köməklik göstərməyinizi Sizdən xahiş edirik.

Hörmətlə,