Baş Nazirə tələb: �Əfqan Muxtarlının oğurlanmasına münasibət bildirin!�

Müsavat Partiyasının Gürcüstandakı müttəfiqləri olan Azad Demokratlar və Gürcüstan Respublikaçılar Partiyası jurnalist Əfqan Muxtarlının oğurlanması və Azərbaycanın hüquq-mühafizə orqanlarına təhvil verilməsi ilə bağlı birgə bəyanat qəbul ediblər.

Müsavatın mətbuat departamentindən verilən xəbərə görə, Respublikaçılar Partiyasının sədri Xatuna Samnidze bəyanatın mətnini Müsavat başqanı Arif Hacılıya göndərib.

Bəyanatda bildirilir ki, Azerbaycanlı jurnalist və müxalifət fəalı Əfqan Muxtarlının Gürcustanın Tiflis şəhərindən qeyri-qanuni şəkildə oğurlanması və Azərbaycanda həbs olunması, həmçinin Tiflisdə yaşayan Türk orta məktəb müəllimi Mustafa Emre Çabukun polis tərəfindən saxlanılması Azad Demokratlar və Respublikaçılar partiyasının ciddi narahatçılığına səbəb olub.

"Azərbaycan və Türkiyə Respublikalarının müsbət qonşuluq münasibətlərinin əhəmiyyətini başa düşərək, amma buna arxalanmayaraq, biz inanırıq ki, qonşu ölkələr arasında olan strateji əməkdaşlıq xatirinə, bizim ölkədə yaşayan heç bir şəxsin mənliyinə və təhlükəsizliyinə xələl yetirilə bilməz. Həmçinin, strateji tərəfdaşlıq, hər hansı şəxsin fundamental azadlıqlarının pozulmasına bəhanə ola bilməz" - bəyanatda deyilir.

"Tiflisdə yaşayan azərbaycanlı jurnalistin pasportu və şəxsiyyət vəsiqəsi olmadan Bakıda necə peyda olunması barədə, Tiflis hökümətindən rəsmi izahla bəyanat tələb edirik", - bəyanatda vurğulanır.

"Əfqan Muxtarlının vəkilinin və ailəsinin bəyanatına Baş Nazirin münasibət bildirməsini, əgər Gürcüstanın xüsusi təyinatlılarının bu əməliyyata cəlb olunması təsdiqlənərsə, təxirə salınmadan müvafiq tədbirlərin görülməsi və günahkarların cinayət məsuliyyətə cəlb olunmasını tələb edirik", - sənəddə bildirilir.