Buzovnada qanunsuz su kəmərinin inşası sürətlə gedir

Buzovna qəsəbəsində "Azərsu" dövlət su paylaşdırıcı şirkətinin adı bəlli olmayan sifarişçiləri üçün su kəmərinin inşası sürətli, görünməmiş templə davam edir.

İşlər bağ massivinin yerləşdiyi dəniz sahilinə qədər irəliləyir. Artıq bu qanunsuz layihənin iki sifarişçisinin adları açıqlanır. Bunlar Bakı rayonlarından birinin rəhbəri, digəri nazirdir.

Bu rayonda nadir sayılan, prezident və onun ətrafının üstünlük verdiyi şollar suyu üçün su kəməri elə qəsəbədən keçir ki, burada nəinki içməli, heç texniki sy çatışmır.

KİV haqqında qanunun, İnformasiya Azadlığı və İnzibati-Prosessual Məcəllənin tələblərinə zidd olaraq "Azərsu" su kəmərinin inşasının sifarişçisi və layihənin zəruri texniki sənədləşdirilməsi barədə Turan-ın sorğusuna cavab verimir.

Dövlət proqramına əsasən "Azərsu" 2013-cü ilədək Buzovna və digər Bakıətrafı qəsəbələri fasiləsiz su ilə təmin etməliydi. Lakin ayrılan vəsait mənimsənilib və işlər yerinə yetirilməyib.

2012-ci il iyunun 20-də keçirilən "2011-2013-cü illərdə Bakı şəhərinin və onun qəsəbələrinin sosial-iqtisadi inkişafı üzrə Dövlət Proqramı"nın icrasının birinci ilinin yekunlarına həsr olunan konfransda prezident İlham Əliyevin nitqindən:

"Qəsəbələrdəki vəziyyət bizə məlumdur. Qarşıya qoyulan vəzifə budur: qəsəbələrdə bütün sosial -iqtisadi və infrastruktur məsələlər həll edilsin. Ötən il ərzində biz bu işin uğurla yerinə yetirildiyini müşahidə etdik. Bu gün bu barədə daha ətraflı danışılacaq.

Lakin prinsipcə proqramda əsas infrastruktur məsələlərin həlli - ilk növbədə su-kanalizasiya layihələrinin gerçəkləşdirilməsi nəzərdə tutulub. Bakı qəsəbələrində heç zaman kanalizasiya sistemi olmayıb. Bakı şəhərində də kanalizasiya sistemi bizim tələblərə cavab vermir. Daim su qıtlığı olub və adamlar müəyyən qədər buna adət ediblər. Halbuki, bu vəziyyət normal deyil, işməli su daim olmalıdır.

Hazırda bütün rayon mərkəzlərinin su və kanalizasiya ilə təmin edilməsi üzrə konkret tapşırıqlar verilib. Biz çalışmalıyıq ki, bu proqramı gələn ilin sonunadək (2013-cü il -red.) başa çatdıraq. Əgər buna imkan olmasa o zaman bütün rayon mərkəzlərində və ətraf böyük kəndlərdə su-kanalizasiya problemi 2014-cü ilin sonunadək həll olunmalıdır".

Vətəndaşların su təminatı ilə bağlı haqlı tələblərinə hökumət qiymətlərin artırılması ilə cavab verir.

2012-2015-ci illərdə agentlik Buzovna qəsəbəsində su təchizatı və kanalizasiya məsələsini "Azərsu" və yerli orqanların qarşısında dəfələrlə qaldırıb. Lakin cavab alıb ki, məsələ həll olunmaq mərhələsindədir. "Azərsu"nun son hərəkətləri isə su təchizatı və çirkab sularının ayrılması məsələsinin öz həllini hansı rakursda tapdığını göstərir.

Agentlik qanunsuz su kəmərinin inşasını sonadək izləyəcək və 27 iyul tarixli informasiya sorğusuna cavab almağa calışacaq.

Əvvəlki: http://www.contact.az/docs/2016/Want%20to%20Say/072700163605az.htm#.V6RH6biLTs0