21 iyun 2012-ci il tarixdə oğlum Hilal Məmmədovun öncə 5-6 saatlıq yoxa çıxması, sonra isə 15-20 nəfər mülki şəxslər tərəfindən heç bir sənəd təqdim olunmadan böyük qanun pozuntuları və insan hüquqlarının kəskin pozulmaları ilə müşayiət olunan evindəki axtarışdan və oğlumun cibindən və evindən narkotik “tapılması” ilə bağlı mən bəyanat vermişdim.
Son vaxtlar sosial şəbəkədən və mətbuatdan Hilala qarşı külli miqdarda narkotik maddə saxlamaq maddəsi ilə yanaşı vətənə xəyanət, milli-dini ayrıseçkilik salma ittihamlarının da irəli sürüldüyünü eşitdik.
Bununla bağlı bildirmək istəyirəm ki, mən Əlif Məmmədov 60 ildən artıq pedaqoji fəaliyyətim dövründə Azərbaycana və Azərbaycan xalqına sədaqətimi bu illər ərzində yetişdirdiyim on minlərlə vicdanlı, namuslu, savadlı müəllimllərlə sübut etmişəm. Yəqin ki, məni tanıyan bütün vicdanlı, namuslu insanların istisnasız olaraq hamısı halal zəhmətimlə böyüdüb tərbiyələndirdiym övladımın vətən xaini və digər ittihamlarına çox absurd bir fikir kimi yanaşırlar.
Hilal Məmmədov Azərbaycanı sevən, hələ gənc yaşlarından Avropanın və dünyanın aparıcı riyazi nəşrlərində məqalələri çap olunan bir alimdir. Riyaziyyatla yanaşı o, mənsub olduğu talış xalqının dili, tarixi, mədəniyyəti, etnoqrafiyası, folkloru ilə bağlı (AMEA-nın aparmalı olduğu) tədqiqatlar aparmış, məqalələr çap etmişdir. Məhz onun bu fəaliyyəti də ictimai fikri azdırmaq məqsədi ilə ona qarşı vətənə xəyanət ittihamı kimi irəli sürülmüşdür.
Hər bir dövlətin xarici siyasətdə uğuru ölkənin daxilində görülən işlərdən çox asılıdır.
Mən İranda həbs olunan iki şairə qarşı irəli sürülən ittihamlarla və onların həbsi ilə qəti razı deyiləm. Öz günahsız vətəndaşına qarşı eyni uydurma ittihamlar irəli sürən dövlətin İranda həbs olunan şairlərin azadlığa buraxılması ilə bağlı müraciətlərinə beynəlxalq arenada reaksiya məncə arzuolunan səviyyədə olmaz. Allah köməkləri olsun!
Oğlum Hilal Məmmədova qarşı irəli sürülən bu uydurma ittihamların ideoloq və icraçıları, əslində bu hərəkətləri ilə düşmən dəyirmanına su tökmüş, Azərbaycanın dövlətçiliyinə və Azərbaycan Konstitutsiyasının qarantı olan prezidentə arxadan zərbə endirmişlər. Bunlar öz təsdiqini sosial şəbəkələrdə və bir çox mətbuat orqanlarında bədxah qonşularımızın və bir sıra radikal qüvvələrin çıxışlarında tapır.
Deyilənləri nəzərə alaraq Azərbaycan Konstitutsiyasının qarantı cənab Prezidenin oğlum Hilal Məmmədova qarşı olan haqsızlıqlara son qoyacağına, ədalətin bərqərar olacağına əmin olmaq istəyirəm.
Sonda oğlumun müdafiəsinə duran Azərbaycan xalqının hər bir övladına ayrı-ayrılıqda dərin minnətdarlığımı bildirirəm.
Hörmətlə: Professor Əlif Məmmədov
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz