Leviafanda gəzərkən�

Dünən dövlət başçısının sədrliyi ilə keçirilən iclasda səslənən ölkənin iqtisadi böhrandan çıxarılması üzrə növbəti strateji tövsiyələr, yumşaq desək, orijinallığı ilə insanı heyran etməyə bilmir.

Məsələn, dövlət başçısının yerli mebel və qəribə “NAZlifan” adlı (qeyri-iradi olaraq Leviafanla assosiasiya olunur) Naxçıvan avtomobillərini almaq çağırışı.

Yerli istehsalçılara dəstəkdən söhbət gedirsə, müraciət bütün vətəndaşlara ünvanlanmalı olmalı idi, amma axı Əliyev dövlət məmurlarına müraciət edir!

Təəccüb doğuran daha bir məqam odur ki, məmurlar bahalı xarici markalı avtomobilləri və mebeli öz hesablarına alırlar ki? Bütün bunlar Prezident Administrasiyasından verilir, kiməsə bu, az gəlsə, alın təri ilə qazanılmış cüzi məbləğlə - 1500 manata alınır.

Hər bir deputata 80-100 minə Mercedes almaq, yol polislərinin Volkswagen və BMW ilə gəzməsi nəyə lazım idi?

Bu barədə göstəriş verənlər harası ilə düşünürdü? Pul çox idi? Belə olarsa yol polisləri və deputatlar hakimiyyəti daha çox sevəcək və onun üçün boğazını yırtacaq?

Bəlkə o, bizdə həyat səviyyəsinin necə yüksək olduğunu göstərmək istəyirdi? Ya da alçaq qonşuları paxıllıqdan ölmələri üçün qıcıqlandırmaq istəyirdi?

Deputatlarımızın oturduqları qoltuqlara nə vaxtsa diqqət yetirmisiniz?

Şaiyələrə görə, onlar İtaliya istehsalıdır və hər bir qoltuğun dəyəri bir neçə mindir. Bütün bunlar Embawood-a çox az bənzəyir.

Bəs parlamentin zalı necə tərtib olunub? O, millət vəkilləri yığıncağını deyil, Fransanın orta əsrlər saraylarının dizaynını xatırladır. Bunu Almaniya Bundestaqı ilə müqayisə edin.

Bütün bunlar bunu düşünənin tamamilə ağılsız olduğunu göstərir.

Məmurlarımızın geyimləri və ayaqqabıları da onların Avropa paytaxtlarının və ya Bakıda brend butiklərinin tez-tez qonağı olduğunu göstərir və çətin ki, Bakı istehsalı olan əsgər çəkmələrini geyinmək onların ağlına gəlsin.

Mülahizələrin məntiqi göstərir ki, ilk olaraq o özü və yaxınları Leviafanlara keçməli və nümunə göstərməlidir. Baxarıq.