Məmur özbaşınalığı və hüquqi özbaşınalığı bir arada

Ötən həftənin sonu Azərbaycan Alpinizm Federasiyasının üzvləri Ekologiya və Gənclər və İdman nazirliklərinin əməkdaşları tərəfindən qanunçuluq və insan hüquqlarının açıq-aşkar pozulması ilə qarşılaşıblar.

Belə ki, bu idarələrin bir qrup işçisi dekabrın 14-15-də draytulinq (texniki vasitələrdən istifadə etməklə qayayadırmanma) yarışlarının keçirildiyi Qusar rayonunun Ləzə kəndində  elə bil «istila qrupu» kimi peyda olaraq  yarışa maneçilik törədiblər.

Onların bəzilərinin üzərində silah olub, onu idmançılara çəkərək onları qayalardan qovublar. Gələnlər bu təcavüzə səbəb kimi hər hansı izahat və ya sənəd göstırməyib. Bundan başqa, bu şəxslər kimi təmsil etdiklərini və ümumiyyətlə kim olduqlarını deməkdən də imtina edib.

Ləzəda qarşıdurma üç gün davam edib,  alpinistlər yarış marşrutunu  hazırlamağa başladıqları andan.

İlk “qonaq” bələdiyyə rəhbəri olub. O, qayalara dırmanmaq üçün yazılı icazə tələb edib. Onun ardınca yerli müfəttiş gələrək, yarışın keçirilməsi üçün sənəd göstərilməsini tələb edib.

Bununla yanaşı nazirliyinin işçiləri idmançılara qarşı təzyiqlərə son qoymayıblar. Sahə polis müfəttişi isə baş verənləri  sakitcə müşahidə edib. 

İdçançilar  Alpinizm Federasiyasının Kuboku üzrə yarış keçirdikləri haqqında sənəd təqdim etdikdə isə onlara “bunun üçün başqa yerdən icazə lazımdır” öcəşməsi göstəriblər.

İdmançılara təzyiqdə Gənclər və İdman Nazirliyinin nümayəndəsi də fəal iştirak edib. O, yarışların keçirilməsinə mane olmaq əvəzinə əslində yarışın baş tutmasına kömək etməli idi. Lakin, ələ çixir ki, bu idarənin başqa vəzifələri var.

Şənbə günü isə idmançıların nazirliyinin müfəttişləri ilə açıq-aşkar qarşıdurması olub. Onlar dövlət bayrağına və ölkə himninə açıq-aşkar hörmətsizlik nümayiş etdiriblər. Bayrağa təzim etmək və ölkə himnini oxumaq üçün sıraya düzülən yarış iştirakçılarına qışqırıblar.

Bu adamlarin kim olduğunu alpinistlərə kənd sakinləri və bazar günü ora gələn 10 nəfərə yaxın olan polislər deyiblər. Yeri gəlmişkən, polislər özlərini hamıdan nəzakətli apararaq, alpinistləri yarışları dayandırmağa və getməyə razılaşdırmağa çalışıblar. Amma heç kim bunun əsasını izah etmək istəməyib.

Bu “əsas” bazar günü, alpinistləri qorxutmağın mümkün olmayacağı və onların geri çəkilməyəcəyi məlum olduqda ortaya çıxıb. Həmin vaxt Qusar rayon polis idarəsinin nümayəndəsi idmançılara Ekologiya Nazirliyindən məktub göstərib. Məktubda deyilib ki, alpinistlər “ekologiyaya ziyan vururlar”, “icazələri olmadan qanunsuz yarışlar” keçirirlər və polisdən onlara qarşı tədbirlər görmək tələb olunub.

Aydın idi ki, idmançıları əsl münaqişəyə cəlb etmək, sonradan xuliqanlıqda, hakimiyyət nümayəndələrinə müqavimətdə ittiham etmək və saxlamaq istəyirlər. Alpinistlər səbr, həmrəylik və möhkəmlik nümayiş etdirərək, hədələrdən və təzyiqdən qorxmayıblar.

Bütün bunları hiss edən “qonaqlar”  gecə ilə qayalara çıxaraq əvvəlcədən  asılan ipləri kəsiblər. Eyni zamanda onlar yuxarı hissədə qayalara gedən yolları çəpərləyiblər.

Tədbirin ikinci günündə ən maraqlı bu olub ki,  qayanın önündə rayon icra hakimiyyətinin bu yeri qayayadırmanma və buzadırmanma üzrə yarışlar keçirilməsi üçün FAIREX-ə - Ekstremal İdman Növləri Federasiyasına (ekologiya naziri Hüseynqulu Bağırov rəhbərlik edir) verdiyi haqda elan yer alıb...

Elan müəlliflərinin məntiqinə əsasən, belə çıxırdı ki, alpinistlərə “qayalara və ekologiyaya ziyan vurmaq” olmaz, amma Fairex nümayəndələrinə olar. 

Beləliklə, Ekologiya Nazirliyi bir daha göstərdi ki, bu yer “özəlləşdirilib” və burada qanunları istədikləri kimi başa düşürlər: “bu, bizimdir, vəssalam, burada qanun bizik və istədiyimizi edirik!”

Ləzədəkı hadisələr fonunda Bakıda nazirlik rəsmilərinin qurum əməkdaşlarından heç kimin alpinistlərə mane olmadığı, heç kimin ipləri kəsmədiyi, insanların həyatını təhlükəyə məruz qoymadığı haqqında bəyanatlar verib. 

Vəziyyəti hüquqi nöqteyi-nəzərdən qiymətləndirərkən xatırlatmaq istərdik ki, Azərbaycanın idman haqqında qanununa əsasən, hər bir idman növü ilə bir federasiya məşğul ola bilər. AAF artıq uzun illərdir öz yarışlarını keçirir və qanunvericiliyə əsasən, bunun üçün heç bir icazə lazım deyil.

Alpinizm Federasiyası 50 ildir ki, mövcuddur, Fairex isə Bağırov tərəfindən bir neçə il əvvəl deltaplanlarla uçuşlar üçün yaradılıb.

Yaxşı, o zaman  niyə İdman və Gənclər Nazirliyi özünü elə aparır ki, sanki heç nə baş vermir və kənar qurumun alpinizmi inhisara almasına imkan verir? Bəlkə Azad Rəhimov idmanın inkişafında maraqlı deyil? Bəs onun marağı nədən ibarətdir? İdmanın inkişafında maraqlıdırsa, başqa bir qurumun onun işlərinə qarışması və onun məsələlərini həll etməsinı niyə sakitcə müşahidə edir? Bu ölkədə idman naziri kimdir?

Ölkədə Ekologiya Nazirliyinin həll etməli olduğu başqa problem yoxdur? Niyə onlar ağacların kəsilməsinə, qanunsuz inşaata, brakonyerliyə qarşı mübarizə aparmırlar? Ölkənin istənilən bazarında və avtomobil yolları boyunca qanunsuz vurulmuş quşlar satılır. Niyə H.Bağırov bunları görmür, niyə mübarizə aparmır?

Əsasən məhz Ekologiya Nazirliyinin mövqeyi ilə əlaqədar uzun illərdir Azərbaycanda quş qripi təhlükəsi olması adı altında su quşlarının ovu qadağan edilib. Lakin brakonyerlər quşları rahatca vurur və açıq-aşkar satır.

Əcnəbi ovçular yüzlərcə su quşunu vurur, buna görə böyük pullar ödəyirlər, amma Azərbaycan vətəndaşları üçün ov qadağan edilib. Bu nə ayrı-seçkilikdir? Bəlkə bu ayrı-seçkilik (alpinistlərin, ovçuların və s.) elə iş üslubudur?

Bütün bunların siyasi üzü də var, bu   Alpinizm Federasiyasını “satqınlar yığını, əcnəbi casuslar, anti-hökumət elementləri və fırıldaqçılar” kimi təqdim etmək cəhdlərində kəsilmir.

Belə metodlara yalnız şəxsi həyatında hədsiz dərəcədə bədbəxt olan, həqiqətən yaxın insanları olmayan, insafsız olduğu üçün ətrafdakların sevmədiyi bir insan, mənəvi və fiziki cəhətdən xəstə, bütün dünyanı zəhərləməklə rahatlıq tapmağa çalışan biri əl ata bilər. Belələri sağ ikən də, öldükdən sonra da yalnız lənətlə anılır...

Bəs idman? Bu vəziyyətdə yarışlar ikinci plana keçdi. Vəzifəli dövlət məmurları idman uğrunda mübarizə şüarı altında güc sərf edir, dövlət resurslarını bu idmanı məhv etmək üçün xərcləyirlər. Bu anormal vəziyyət artıq bir neçə ildir ki, davam edir.

Lakin AAF düşmənləri artıq dərk etməli idilər ki, alpinistlərə bata bilməzlər. Hətta təzyiq və məhdudiyyətlər şəraitində belə onlar hər il yüksək səviyyəli fəthlər həyata keçirir, beynəlxalq yarışlarda qələbə qazanır, Pamirdə, Tyan-Şanda, Himalayda ölkənin bayrağını qaldırırlar. Ölkəni beynəlxalq qurumlarda təmsil edir, yeni ciddi ekspedisiyalar hazırlayırlar.

Bəs siz nə ilə məşğulsunuz? Siz nəyə qadirsiniz? İmkanlarınız qarşısında nailiyyətləriniz hanı? 

Alpinistlərin rəqiblərinin sevimli məşğuliyyəti hər şeyi inkar etmək və günahı başqalarının üstünə atmaqdır. Qoy video kadrlarda özlərinə bir baxsınlar.