Məntəqədə baş verən cinayət hadisəsi cəzasız qalır

76-cı Dairə Seçki Komissiyasının Lənkəran rayonu Şürük kəndində yerləşən 16-cı məntəqəsində seçki günü məşvərətçi səs hüququ ilə övladıma qarşı baş verən fiziki zorun və təzyiqlərin təfərrüatları üzə çıxıb, onu sizinlə paylaşmaq istərdim.

Məlum olub ki, bu işin başında duran BAXCP üzvü, həmin məntəqinin katibi Əmirov Mübariz Hüccətulla oğludur. Hadisənin baş verməsinin səbəbi qızım Jalə Bayramovanın saxtakarlığa mane olmasına görə məntəqədən uzaqlaşdırılması, motivi isə mən olmuşam. Mən və mənə görə qızım təhqir edilib, ona boğub öldürmək həddinə qədər fiziki təzyiq olunub. Buyurun, əlavədki linkdə yerləşdirilmiş videoya sonacan baxın. Bu videoda qızıma hucum və qəsd aydın görsəndiyi, mənim və qızımın rəsmi olaraq Daxili İşlər Nazirliyinə müraciət etməyimizdən 2 gün keçməsinə baxmayaraq hələ də heç kim cəzalandırılmayıb. Bu fakt göstərdi ki, ölkədə qanunlara nə mərkəzi və nə də yerli səviyyədə əməl olunmur, bir sözlə ölkəni gəncləri və onların səsini boğmaqla idarə edirlər.

Qızım Jalə ilk dəfə idi ki, BDU Univesitetinin hüquq fakultəsinin 4-cü kursundaki imtahanlarını əla qiymətlərlə başa çatdıransan sonra tətil zamanı ilk dəfə olaraq seçkidə məşvərətçi iştiraka qərar vermişdi və 76-cı dairəyə təyinat almışdı. Seçki günü aldığı xəsarətə görə bu gün həkim müayinəsindən keçib, onda seçki məntəqəsində baş vermiş boğulmadan xəsarət qalıb, başında şişlər əmələ gəlib, ağrılar davam edir.

Odur ki, birbaşa prezident İlham Əliyevə müraciət edirəm. Konstitutsiya and içib təhlükəsizliyinə təminat verdiyin vətəndaşın həyatına qəsdə görə rəhbərlik etdiyin hakimiyyət siyasi, nəzarətində olan daxili işlər nazirliyi hüquqi məsuliyyət daşıyır. Sizdən və rəhbərlik etdiyiniz əlaqədar orqanlardan 76-cı Dairə Seçki Komissiyasının 16-cı məntəqəsində qızım Jalə Bayramovaya qarşı baş vermiş sui-qəsd hadisəsinin araşdırılıb, cinayət törədənlərin cəzalandırılmasını tələb edirəm.

Mətbuata və sosial şəbəkədə olan ictimai rəy liderinə müraciət edirəm, bu hadisənin və onu əks etdirən videonun dərcində və ictimailəşdirilməsində yardımçı olun.

Dostluğumda olanlardan xahiş edirəm, bu hadisənin təşkilatçısı BAXCP üzvü Əmirov Mübariz Hüccətulla oğlu, icracısı nə seçici, nə komissiya üzvü, nə də müşahidəçi statusu olmadan məntəqədə qoçuluq edən Azadə adlı qadın haqqında bildiklərinizi mənim şəxsi poçtuma yazın ki, ətraflı məlumatımız olsun.

https://www.facebook.com/ZhalaMaryam/videos/1272579639619732/