Münhen təkrar olunur?

Hazırkı beynəlxalq vəziyyət ötən əsrin 30-cu illərinə çox bənzəyir. Münhen təkrar olunur. Beynəlxalq hüququn və beynəlxalq münasibətlərin universal prinsiplərinə zidd olaraq dünyanın siyasi xəritəsi

dəyişdirilir. 30-cu illərdəki Versalın təftişini hazırda Helsinki Yekun aktının təftişi əvəz edir. Oyuncaq DXR və LXR-in "tanınması" Sudetin ilhaqının yeni təzahürüdür. Dünən Putinin bir saatlıq ritorikası Hitlerin Münhen nitqinin

təkrarıdır. Cənubi Osetiya və Abxaziyanın işğalı, Krımın ilhaqı Münhendən öncə Reynin işğalı kimi bir şeydir. Dünyanın Reynin işğalına

səssiz qalması, Sudetin ilhaqına susması Anşlyus (AvstriyanınAlmaniyaya birləşdirilməsi) doğurdu. Hitler 1936-cı ildə Reyni işğal edəndə iki sutka yatmadı ki, görsün İngiltərə və xüsusilə Fransa bu akta nə deyəcək. İki gündən sonra Fransa Xarici İşlər Nazirliyindən səs çıxdı ki, biz elə əvvəldən Reynə Almaniyanın bir hissəsi kimi

baxırdıq. 2008-ci ildə Rusiya Gürcüstana təcavüz edəndə sən demə Putinlə Medvedyev də iki sutka yatmayıblar. Amma dünən etiraf etdilər ki, 2008-ci ilin həmin narahat iki sutkasını nahaq yatmayıblar. İndi dünya yeni Anşlyusun astanasındadır. Yəqin ki, Rusiyanın

Avstriyası Belarusiya olacaq. Anşlyusdən öncə Almaniya Avstriyada faşistpərəst rejimin "təhlükısizliyin"i öz üzərinə götürmüşdü, hazırda Moskva da Minskin "təhlükəsizliyinə" təminatçıdır. Yəqin ki yaxın vaxtlarda Anşlyus də tamamlanacaq. Anşlyusdan sonra Hitler Balkanların himayə axtaran rejimlərini tək-tək

Fürerbauda (Münxen) III reyxin "təhlükəsizlik" çətirinin altına saldı. Ruminyada İon Antonesko, Macarıstanda Mikloş Xorti və Bolqarıstanda

Çar Boris Hitlerin əlaltısına çevrildi. Hazırda Lukaşenkonun, Əliyevin, Tokayevin Putinin əlaltısına çevrildiyi kimi. Qarabağın

taleyi Bessarabiyanın taleyinə bənzəməsə yaxşıdır.

Rusiya bu gün 30-cu illərdə faşist Almaniyasının oynadığı rolu

oynayır. İşğala göz yummaq işğalçını şirnikləndirmək siyasətidir. Münhendən qayıdanda Nevill Çebmerlen Sudetin ilhaqı ilə bağlı sazişi jurnalistlərə göstərib - mən sizə sülh gətirməşəm - deyib. Prezident Co

Baydenin bu gün ABŞ-ın fiziki və hüquqi şəxslərinə “DXR” və "LXR”ə

malların, xidmətlərin və texnologiyaların ixracı, satışı, tədarükünə qadağa sanksiyası Çemberlenin Qərbə gətirdiyi "sülhə" çox bənzəyir.

Guya ABŞ-ın fiziki və hüquqi şəxsləri dünənə qədər DXR və LXR-ə mal, texnologiya daşımaqdan, xidmət göstərməkdən yorulmuşdular, bu gündən sonra rahatlıq tapacaqlar. Hə, indicə Almaniya da "Şimal axını 2"-nin boş qaz borularının sertifaktını dayandırdı.

Nə isə, Allah axırını xeyir eləsin!