Nəsimi rayonunda tikinti şirkəti ictimai parkı və kitabxananı dağıdır

Turan-ın redaksiyasına Bakının Nəsimi rayonunda 4-cü mikrorayon, A.İsgəndərov küçəsində altı beşmərtəbəli evdən ibarət məhəllənin iki sakini müraciət edib. Marat Həsənov və Müxlis Bədirxanovla həyat yoldaşı telefonla bildiriblər ki, təxminən üç il əvvəl evlər arasında böyük ümumi həyətə inşaatçılar göz qoyublar.

Həmin vaxtdan bir hektardan çox ərazisi olan, hündür ağacların, üzüm və hətta vəhşi heyvanların (tülkü, dələ, tısbağa) olduğu ictimai parkın taleyi həll olunub. İnşaat firmaları bir-birinin ardınca gəlir, bir-birini sıxışdırıb çıxarır.

Sonuncu inşaat şirkəti İGİŞ MTK Nəsimi rayon icra hakimiyyətinin razılığını alaraq, 100-dən çox köhnə ağacı kəsib və çoxdandır həyətin mərkəzində yerləşən Nigar Rəfibəyli adına kitabxana binasını dağıtmağa başlayıb.

Sakinlər xüsusi olaraq vurğulayırlar ki, bu kitabxanada yığılan kitabları oxucular oxumaq üçün evə aparır. Gəncləri oxumağa cəlb etmək üçün köhnə kitabxananı təmir etmək və ona yeni kitablar bağışlamaq yerinə, hakimiyyət binaların ictimai məbədini dağıtmağa razılaşıb.

Hadisələrin son ilində 65 saylı Mİİ rəisi və rayon rəhbərliyi sakinlərin iclasında həyətdə yeni hovuzlu park salmağı, ağaclar əkməyi və gözəl yollar çəkməyi vəd etdilər. Xalq sevindi, amma əbəs yerə. Bir qədər vaxt keçdi və həyətə tikinti şirkətlərinin ekskavatorları gəldi. Sakinlər aldadıqlarını anlayaraq, qəzəbləndilər, küçəyə çıxıb pul yığdılar, kəsilmiş ağacların yerinə 120 fidan alıb əkdilər. Amma polis və yerli hakimiyyət inşaatçıların maraqlarını müdafiə edir. Vətəndaşların fikri hakimiyyəti maraqlandırmır, həmçinin uşaqların harada oynayacağı, insanların hansı havanı udacağı və yaşıllıqların məhvinin Heydər Əliyevin Bakıda ağaclar kəsiləndə sanki onun əllərinin kəsildiyi barədə ifadəsi ilə nə dərəcədə zidd olduğu haqqında düşünmürlər.

Sakinlərin aldıqları fidanların bir hissəsini inşaatçılar artıq kəsiblər, bu gün orada sürətləndirilmiş torpaq işləri həyata keçirilir.

Sakinlər Prezident Aparatına, Bakı şəhər İcra Hakimiyyətinə və digər instansiyalara yazılı şəkildə şikayət edirlər, Nəsimi rayon İcra Hakimiyyətini isə yaşıl həyətin dağıdılmasının təqsirkarı hesab edərək, oraya məktub göndərməkdən imtina edirlər.

Redaksiya bu həyətdə sakinin torpaq işləri başlamazdan əvvəl çəkdiyi videoçarxı alıb. Çarxda kəsilməmiş əsrlik ağaclar və bu günlərdə əkilmiş fidanlar görünür.

https://www.facebook.com/1668944295/videos/10208844920874851/