Vladimir Putin
Putin Ermənistanı Qarabağ problemini kiminlə həll etmək istədiyinə qərar verməyə çağırıb
Bakı/28.10.22/Turan: Rusiya prezidentinin oktyabrın 27-də Valday forumunda çıxışı dünya ictimaiyyətinin diqqətini təkcə Qərbə qarşı bu yaxınlarda ənənəvi hal alan təcavüzkar hücumları ilə diqqət çəkməyib.
Bəlkə də ilk dəfədir ki, Putin Üçüncü Dünya ölkələrini bu qədər açıq şəkildə salamlayaraq, onları məkrli Qərbdən qaynaqlanan təhdidlər fonunda Rusiya ilə dostluq etmək zərurətinə inandırmağa çağırıb.
Bu çıxış əsasən məhz onlara, həm də Çin və Hindistana ünvanlanıb.
Putin 20 ildir ki, hamını bezdirən dünyanın birqütblü ola bilməyəcəyi haqqında tezisini təkrar edir. Amma dünya ölkələrinin niyə texniki tərəqqidən imtina edib Rusiyadan yapışmalı olduğunu izah edə bilmir.
Putin istənilən problemi bütün dünyanı ələ keçirməyə və digər xalqları idarə etməyə çalışan Qərbin (sanki Rusiya başqa bir şey istəyir) məkrliliyi ilə izah etməyə çalışıb.
Valdaya dəvət olunanlar kontingenti də maraq doğururdu. İlk dəfə olaraq orada Putinin tezislərinin ünvanlandığı Üçüncü Dünyanın çox sayda nümayəndəsi var idi.
İş o yerə çatıb ki, Putin "qəfildən" "məkrli" amerikalıların "sadəcə olaraq tutub öldürdükləri" İranlı terrorçu general Süleymanini yada salıb. "Bu nədir axı belə!", deyə Putin səmimi şəkildə qəzəbini ifadə etməyə çalışıb.
O, iştirakçıların kəskin suallarına birbaşa cavab verməkdən hər yolla yayınıb. Məsələn, Çində uyğurların həbs düşərgələri haqqında suala cavabdan yayınaraq, Çindəki uyğurlarla görüşdüyünü və onların orada tamamilə xoşbəxt olduqlarını iddia edib.
Aydın görünür ki, forumun təşkilatçıları dəvətlilər üzərində əməlli-başlı işləyiblər, onlar arasında "təsadüfən" Ermənistan nümayəndəsi Aleksandr İskandaryan da var idi. Onun Qərb və Rusiyanın Qarabağla bağlı sülh təklifləri arasındakı fərq haqqında sualına cavabda Putin hamıya məlum olan tezisi təkrar edib ki, Rusiya vaxtilə mərhələli nizamlanma planı təklif edib, Ermənistanın isə imtina edib, "indi isə nə varsa, o var".
Daha sonra o, mühüm bir dəqiqləşdirmə edib: Ermənistan münaqişəni kiminlə - Qərb və ya Rusiya ilə həll edəcəyinə özü qərar versin. Onun sözlərinə görə, Qərb variantı Qarabağın Azərbaycanın tərkibində qalmasını nəzərdə tutur. "Özünüz qərar verin", deyə Putin bildirib.
Onun sözlərindən belə çıxırdı ki, Rusiyanın variantında eyni şey nəzərdə tutulmur. Amma əsas məsələ bu deyil, Yerevanın ünvanına gizli təhdid idi: "Kimin - bizim, ya Qərbin yanında olduğunuza qərar verin". 02B
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz