Qəhrəmanlarımıza eşq olsun!

Erməni təbliğatının və Ermənistan xüsusi xidmət orqanlarının fəaliyyət istiqamətlərindən biri uzun illər Azərbaycandakı milli azlıqlarla iş olub. Ermənilər hərbi əməliyyatlar zamanı Azərbaycan Silahlı Qüvvələri sıralarından ləzgilər, talışlar, avarlar, ruslar və digər azlıqların fərariliyinə ümid bəslədiklərini gizlətməyiblər.

Ermənilər onların Azərbaycan dövlətinə qarşı çıxması üçün çox qüvvə və vəsait sərf ediblər, onlara belə bir fikir təlqin edirlər ki, bu, onların müharibəsi deyil, ermənilər onlara düşmən deyil, Azərbaycanda ermənilər kimi onların da hüquqları pozulur.

2019-cu ildə Ermənistanı ziyarət edərkən, müharibə başlayan kimi də bitəcək deyən ermənilərin bütün bunlara nə qədər ciddi inandığına təəccübləndim. Azərbaycan Ordusu 80% ləzgilərdən və talışlardan ibarətdir və onlar döyüşməyəcəklər, odur ki, ermənilər dərhal qalib gələcəklər, zahirən sanballı görünən həmsöhbətlər kimi inandırmağa çalışırdılar…

Cəbhədəki döyüşçülərimizin çəkdikləri videolara baxarkən, ölkə vətəndaşlarının qələbəmizi necə qeyd etdiyini müşahidə edərkən sadə bir həqiqəti dərk edirsən ki, Azərbaycan, orada yaşayan kiçik xalqlar hamısı bu gün olduğu kimi heç vaxt bir olmayıb.

Bizim qələbəmizdə ön sıralarda olmuş, kütləvi qəhrəmanlıq göstərmiş milli azlıqların nümayəndələrinin də rolu az deyil. Şuşanın azad edilməsi uğrunda gedən döyüşləri xatırlatmaq kifayətdir ki, orada ləzgilər ön sıralarda idilər.

Bu günlərdə qələbəmizi təmin edən şəhidlərin, qəhrəmanların adları, foto və videoları İnternetdə dərc edirlər və ictimaiyyət onları tanımalıdır.

Qusar rayonundan polkovnik Tehran Mənsimovun adını çəkmək kifayətdir. O, öz xüsusi təyinatlı dəstəsini Şuşaya aparıb. Bundan əlavə, podpolkovnik Rəşad Aslanov da fərqlənib. O, Azərbaycan bayrağını Şuşanın yuxarı hissəsində qüllədə asıb.

Zabitlər Əmirbəy və Babək Ramaldanov qardaşları (Babək şəhid olub).

Şəhid baş leytenant Sərrəf İmaməliyev Qusar rayonunun Ənıx kəndindəndir. Yaralı olduğu halda  hospitalda qalmayıb və döyüşə qayıdıb.

Şəhid Ənvər Şıxəliyev (Xurəl kəndi), şəhid Ramil (Köhnə Xudat kəndi) , Cavad Seyidov.

Bütün döyüşçülərimizi sadalamaqla bitməz. Əminəm ki, onlar nəinki öz borclarını yerinə yetiriblər, həm də fəxr ediblər ki, öz ölkələrinin şərəf və ləyaqətini qoruyurlar edirlər və özlərini heç kimdən ayırmayıblar.

Ümid edirik ki, bu və digər döyüşçülərimizin xidmətləri layiqincə qiymətləndiriləcək, onların adları mərdlik və vətənpərvərlik rəmzi olacaq. Gələcək nəsil onların nümunəsində yetişdiriləcək.

Bütün qəhrəmanlarımıza eşq olsun!