Qəribə dövrdə yaşayırıq

Qəribə dövrdə yaşayırıq. Bütün ölçü hissi itib. Hakimiyyətin Rüstəm İbrahimbəyova qarşı başladığı vətənşüvənlik kampaniyası Əli Həsənovun drijorluğu ilə geniş vüsət alır. Televiziyalarda vətənə "xəyanətdən" söhbət gedir. Bir sıra deputatlar satqınlıqdan gen-bol danışır, bir başqası linçləməyə çağırışlar edir. Bir vaxtlar Stepan Şaumyanın və Arsen Amiryanın redaktorluğu ilə əsası qoyulan "Bakinskiy Raboçiy" qəzetinin baş redaktoru Rüstəm İbrahimbəyovu ermənilərə xidmətdə günahlandırır. Qarabağ müharibəsi başlar-başlamaz yerini batırmaq dioqnozu ilə orududan yayınan birisi Rüstəm İbrahimbəyovu Qarabağı satmaqda günahlandırır. Büdcə vəsaitlərini əyri, natəmiz yollarla London gizli hesablarına köçürən bir nazirin atası Rüstəm İbrahimbəyovu satqınlıqda suçlayır. Azərbaycanda Feto şəbəkəsinin əsas dayaqlarından biri kimi məzhəbini belə dəyişən "yeni təriqətçilərdən" biri Rüstəm İbrahimbəyovu müsəlmanlara nifrətdə günahlandırır. Ərazisi işğal altında olan bir məmləkətin kinoşünası dedektiv bir filmin mövzusu ola biləcək qədər maraqlı hadisəni - müdafiə, müdafiə sənayesu, fövqəadə hallar və təhlükəsizlik nazirliklərinin ölkənin müdafiəsi üçün ayrılmış büdcə vəsaitlərini natəmiz və oğurluq yollarla London gizli hesablarına daşınmasını qoyub, Rüstəm İbrahimbəyovun "Qafqaz triosu" filmində xəyanət izləri axtarır.