4 gündən sonra – 10 dekabr İnsan Hüquqları Günüdür. Ümümdünya İnsan Hüquqları Bəyannaməsinin qəbul edildiyi gün. Bütün beynəlxalq təşkilatlar bu günə hazırlaşır. Hər birinin öz proqramı var. Və proqramda Azərbaycanda vicdan məhbusları yer alıb. Hər təşkilatın tədbirində Azərbaycan liderlik edir.
INTERNATIONAL PARTNERSHIP for HUMAN RIGHTS (IPHR) İlkin Rüstəmzadəyə dəstək aksiyası hazırlayır.
OMCT – İşgəncələr Əleyhinə Ümumdünya Təşkilatı dünyada, o cümlədən Azərbaycandan olan hüquq müdafiəçiləri haqda film hazırlayır.
Amnesty International (Aİ) öz qərargahlarında məktub günü təşkil edir. 10 dekabr 2016-cı il səhər saat 10:00-dan başlayaraq 24 saat ərzində arzu edən hər kəs təşkilatın qərargahına gələrək vicdan məhbuslarına məktub yazıb göndərə bilər.
Qiyas İbrahimov və Bayram Məmmədovun fotoları – onların gənc və cəsur üzü dərhal gözə çarpır.
Ariflə mən Amsterdamda Aİ qərargahında İnsan Hüquqları Gününün açılışında çıxış etmək üçün dəvət almışıq. Biz bu günü Hollandiyada qeyd edəcəyik. Biz həbsdə olanda dünyanın hər yerindən minlərlə məktun göndərilirdi və onların bəzisi gəlib çatırdı. Azadlığı, sadəcə, söz kimi qəbul etməyən insanlar hər zaman azadlıq uğrunda mübarizlərin yanındadır, hətta onları böyük məsafələr ayırsa belə.
Azərbaycan çox zaman qullar ölkəsi, xalqımız isə çox dözümlü və itaətkar kimi təqdim olunur. Ancaq yeni nəsil yetişib. Qiyas və Bayram “qul bayramı”nı qeyd etmək istəmirlər. Onlar azadlıq uğrunda öz səslərini ucaldıblar. Və onların səsi eşidilib.
Onların fotoları Avropada hər yerdə var: avtobus dayanacaqlarında asılıb, Aİ könüllüləri onları ictimai yerlərdə (vağzallar, yarmarkalar və s.) paylayır.
Əgər bu və ya digər tədbirin, təşkiların gündəliyində Azərbaycanda siaysi repressiyalarla bağlı müzakirələrin olub-olmadığını bilmək üçün mən Azərbaycanın adını Fransa, Hollandiya, Almaniya, İtaliya və digər mətnlərdə axtarmıram, Bayram və Qiyasın fotosuna baxmaq Azərbaycanda insan hüquqlarının pozulduğunun gündəmdə olduğunu sübut edir.
Əlavə olaraq, Aİ-nin dekabrın 10-da paylanacaq məlumatını göndərirəm. Bu, Prezident Administrasiyasının, Kürdəxanı təcridxanasının ünvanı göstərilməklə məktubun necə yazılmasına aiddir - Bayram Məmmədovun və Qiyas İbrahimovun azadlığa buraxılmasının vacibliyi barədə Prezident Administrasiyasına İlham Əliyevin adına məktub və Bayramla Qiyasın özlərinə məktub. Bu məktubdakı sonuncu cümlə çox xoşuma gəldi: “Möhkəm ol!”.
“Bu cavanlar gənc nəslin yaddaşında qalacaq. Rejim onları sıxdıqca onların adları dünyaya daha çox yayılacaq, onların azadlıq uğrunda səsləri daha çox ucalacaq. Sizin və bizim azadlığımız naminə! Bu gənclərin analarının nələr keçirdiklərini sözlə ifadə etmək çətindir. Ancaq nə qədər ki Azərbaycanda Qiyas və Bayram kimi oğullar var, bizim gələcəyə ümidimiz var”.
Sizin
Leyla Yunus
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz