Uşaqlar zirzəmilərdə yatmamalıdır

Anaların və uşaqların mühafizəsi xəstəxanası Ukraynanın uşaq əhalisinə yüksək ixtisaslaşdırılmış tibbi yardım göstərən çoxprofilli diaqnostika tibb müəssisəsidir.

Hər il 620 çarpayılıq xəstəxanada 18 minə qədər uşaq stasionar müalicə olunur, 20 minə yaxın uşaq xəstəxananın travmatologiya mərkəzində təcili tibbi yardım alır.

Xəstəxanada il ərzində təxminən 7000 əməliyyat keçirilir. Şöbələrdə ürək cərrahiyyəsi istisna olmaqla, bütün növ cərrahi müdaxilələr həyata keçirilir.

Bu tibb müəssisəsi Ukraynanın ən böyük uşaq xəstəxanasıdır. Bu, müxtəlif korpuslardan ibarət bütöv bir şəhərdir, burada müxtəlif sahələr üzrə mütəxəssislər çalışırlar. Və əgər belə geniş sistemdə "müharibədən əvvəlki səviyyədə" tibbi yardımı təmin etmək mümkündürsə, sığınacaqlarda şərait zirzəmilərin vəziyyətindən çox asılıdır. Hər korpusun özünün zirzəmisi var. Və xəstəxana işçilərindən heç birinin ağlına gəlməzdi ki,  burada əməliyyat otaqlarını və palataları yerləşdirəcəklər.

Rusiyanın Ukraynaya qarşı başlatdığı müharibə nəticəsində xəstəxanadakı ağır xəstə uşaqlar rusların hücumlarından zirzəmilərdə gizlənmək məcburiyyətində qalırlar.

Xəstələr səkkiz gündür ki, buradadır, düşmən gülləsindən gizləniblər. Onların arasında orfan xəstəlikləri olan uşaqlar, neyrocərrahiyyə əməliyyatlarından sonrakı xəstələr, onkoloji xəstələr, yeni doğulanlar və bir çox digər ağır xəstələr var.

Hazırda xəstəxana təkcə adamların müalicə olunduğu yer yox, həm də müalicə zamanı və müalicədən sonra burada qalan uşaqlı anaların sığınacağına, müvəqqəti evinə çevrilib. Burada müharibədən bir gün öncə xəstəxanaya yerləşdirilən valideynlər və uşaqlar var. Doğmaları ilə əlaqəni itirən ailələr var. Bu gün onların hamısı partlayış səsləri və həyəcan sədaları altında yerdə və döşəklərdə gecələməyə məcburdurlar. Uşaqlar nə baş verdiyini tam anlaya bilmirlər, çünki onlar inanılmaz dərəcədə sevgi və qayğı ilə əhatə olunublar, ancaq həkimlər analardan bir sual eşidirlər: "Bütün bunlar nə vaxt bitəcək?" Onların gözlərindəki “kədəri” oxuyurlar.

Qayğıkeş vətəndaşlar və könüllülərin sayəsində yemək, su, lazımi əşyalar gətirilir. Həkimlər və işçilər gecə-gündüz çalışırlar, hər xəstənin və xəstəxana sakininin qayğısına qalırlar.

Xəstəxananın kollektivi bütün dünyaya müraciət edir: Təcavüzkar durdurulmalıdır! Uşaqlar zirzəmilərdə yatmamalı, həkimlər mürəkkəb əməliyyatları sığınacaqlar aparmamalıdır. Əlbəttə, onlar tab gətirəcəklər. Çünki onların hər şeyi əladır: ordu, vətəndaşlar, həkimlər, valideynlər və uşaqlar. Ancaq bu dəhşəti ən qısa zamanda durdurmaq lazımdır.

Könüllü həkim Ruslan Ağayev