Moskva/11.04.17/Turan: Rusiyalı teleaparıcı Vladimir Solovyov Bakıda prezident İlham Əliyevlə 2 saatlıq söhbət aparıb. Elə onu Bakıya bundan ötrü çağırıblar. Bu barədə V.Solovyov bu gün Vesti.FM radiostansiyasına müsahibəsində deyib.
“Əliyevlə söhbətim çox açıq oldu və mən verdiyim suallara Ermənistana müsbət münasibətim nəzərə alınmaqla cavab verilməsini istəyirdim”, - Solovyov qeyd edib.
“Əliyev məndə çox yaxşı təəssürat oyatdı, yaxşı təhsili var, ancaq bu, o demək deyil ki, mən onun mövqeyi ilə razıyam”, - teleaparıcı vurğulayıb.
Hazırda Azərbaycanda həbsdə olan bloger Aleksandr Lapşin və əslən erməni olan Rusiya vətəndaşı Ueldanovla bağlı məsələ müzakirə olunub.
“Ümid edirik ki, Lapşinin işi üzrə məsələ azadlıqdan məhrumetmə ilə bağlı real müddətə gedib çıxmayacaq”, - Solovyov deyib.
“Onun Amerikaya heç bir pərəstişi yoxdur”, - Solovyov Əliyevin ABŞ-a münasibətilə bağlı bildirib.
“Əliyev müxalifətlə mübarizəsi haqda da danışdı. “Mən xaricdən gələn maliyyə axınına nəzarət etməyə başladıqdan sonra müxalifət cılızlaşdı”, - teleaparıcı Əliyevin sözlərindən sitat gətirib.
Mən soruşdum: “Niyə bu qədər adamı həbs etmisiniz?”
- “Bizim ölkəmiz elədir ki, əgər sərt olmasaq, hər tərəfdə saqqallılar dolaşmağa başlayacaq, hər yan partlayacaq”.
Mən başa düşdüm ki, ABŞ-a biz kasıb və zəif kimi lazımıq, əgər birdən varlansaq, o anda korrupsiya söhbətləri başlayır və biz pis oluruq. Odur ki, mən bütün stereotipləri sındırmaq və bizim Avropa olmadığımızı göstərmək qərarına gəldim, prezidentlik müddətilə bağlı referendum keçirdim”, - aparıcı Əliyevdən sitat gətirib.
“Mən soruşdum ki, niyə xanımınızı birinci vitse-prezident təyin etmisiniz?
- Mən bunu qəsdən etdim. Birincisi, bu mövcud status-kvonun möhkəmləndirilməsdir, ikincisi, onlara göstərmək istəyirdim ki, biz onlar kimi deyilik və onların istədiyi yolla getməyəcəyik”, - İ.Əliyev bildirib.
Solovyovun sözlərinə görə, Əliyev siyasi islama qarşı çox sərtdir və “hakimiyyəti ələ keçirib dünyəvi ölkəni din ölkəsinə çevirmək istəyən din xadimlərinin siyasətə qoşulmaq cəhdinin qarşısını alacaq”.
Qarabağa gəlincə, Əliyev işarə edib ki, Ermənistanın müttəfiqi kimi Rusiyanın narahatlığını başa düşür. Ancaq məsələnin həlli zamanı Azərbaycanın ərazi bütövlüyünün saxlanmasının vacibliyi ilə bağlı mövqeyindən geri çəkilməyəcək. “Ancaq bir şey dəqiqdir ki. Rusiyanın indiki rəhbərliyilə məsələnin hərbi yolla həlli mümkün deyil”, - Solovyov vurğulayıb.
Məsələnin həlli perspektivlərindən danışan Solovyov deyib ki, münaqişə həll olunarsa Azərbaycan Qarabağa böyük investisyalar qoya və Avrasiya İqtisadi İttifaqına qoşula bilər.
O qeyd edib ki, Əliyev teleaparıcının Qarabağa getməsilə bağlı hər hansı narazılığını bildirməyib. O həmçinin deyib ki, Bakıya səfəri zamanı Azərbaycan tərəfdən hər hansı hədiyyənin olmamasını şərt qoyub. --02D-
Söz istəyirəm
-
Ukraynada Rusiya təcavüzünün səbəb olduğu vəhşi, qanlı müharibə davam edir, bu müharibə hər gün insan həyatına son qoyur, evləri, infrastrukturu dağıdır, ekologiyaya və ətraf təbii mühitdə saysız-hesabsız itkilərə səbəb olur. Ukrayna bu dünyada hər kəsdən çox sülhə can atır, çünki bu Rusiya-Ukrayna müharibəsinin vəhşiliyini hər gün hiss edən bizik. Biz yaşamaq hüququ, azadlıq və ədalət uğrunda mübarizənin önündəyik. Ukrayna Avropanın və dünyanın sabit gələcəyi üçün etibarlı əsasa çevriləcək ədalətli sülh axtarır və buna yeganə alternativ yol Ukrayna Prezidenti Volodımır Zelenskinin Sülh Formulasıdır (Ukrayna Sülh Formulası).
-
Sıra nömrəsindən asılı olmayaraq, ümumdünya COP tədbiri yalnız iqlim dəyişikliyinə deyil, həm də humanizmə xidmət edən bir aksiyadır. COP keçirən ölkədə siyasi məhbus ola bilməz, COP keçirən ölkə insan haqlarına hörmət etməlidir.
-
Bakını qərq etməkdə olan miqyaslı daşqın ərəfəsində Buzovna qəsəbəsində narahatedici hadisə baş verdi, Lada Priora avtomobili qarşısındakı yolu dağıdaraq sanki yerin altına girdi. Sürücü möcüzəvi şəkildə sağ qaldı, lakin ədalətə nail olacağına and içdi və "Azərsu" ASC-dən - dərin kök salmış korrupsiya ilə tez-tez assosiasiya olunan dövlət su təchizatı və kanalizasiya şirkətindən prokurorluğa rəsmi şikayət verəcəyini vəd etdi.
-
Necə bir acizlikdir, bir gecə yağan yağışda tuneldə qalan adamı xilas etmək olmadı. Bir gün sonra meyiti tapılır. Gecə onu qurtarmağa gedən başqa bir vətəndaş çarəsizcə geri qayıdır.
Rəy yaz