ABŞ-dan İlham Əliyevə ciddi xəbərdarlıq VİDEO

“Vətəndaş cəmiyyətini boğmaq ABŞ-la münasibətləri təhlükə altında qoyur”

Dövlət katibinin yardımçısı: “Növbəti addımın necə olacağı Azərbaycan hakimiyyətinin əlindədir”

ABŞ dövlət katibinin demokratiya, insan haqları və əmək məsələləri üzrə yardımçısı Tom Malinovski “Azadlıq” radiosunun rusdilli “Nastoyaşeye Vremya” televiziya proqramına müsahibəsində Azərbaycandakı repressiv vəziyyət, o cümlədən jurnalist Xədicə İsmayılın həbsi barədə də suallara cavab verib. Müsahibənin həmin hissəsini təqdim edirik.

- Gəlin Ukraynadan insan haqları məsələsində təşviş yaradan regionun digər ölkələrinə keçək. Belə ölkələrdən biri də Azərbaycandır. Yəqin ki, sualımı təxmin edirsiniz - Xədicə İsmayıl. Bir müddətdir ki, onu həbs ediblər, amma Azərbaycanda jurnalistlər, vətəndaş cəmiyyəti fəalalrına qarşı repressiyalara son qoymaq istiqamətində ABŞ-dan hansısa addım görmürük.

- Biz bunu çox aydın demişik, müsaidənizlə bir daha vurğulayım: hər hansı bir yerdə olduğu kimi Azərbaycanda da heç kim öz fikirlərini dinc yolla ifadə etdiyinə və jurnalist fəaliyyətinə görə həbs olunmamalıdır. Biz Azərbaycan hakimiyyətinə birmənalı şəkildə çatdırmışıq ki, “Azadliq” radiosunun jurnasliti də daxil olmaqla, bu adamların azad olunmasını görmək istəyirik.

- Deklarasiya kimi səslənir. Adamların həbsdən çıxarılması üçün belə bəyanatlardan əlavə Azərbaycan hakimiyyətinə qarşı hansısa başqa təsirli addımlar atılırmı?

- Hazırda biz Azərbaycanın yüksək rəhbərliyi səviyyəsində ciddi müzakirələr aparırıq. Onlar başa düşürlər ki, vətəndaş cəmiyyətini boğmaqla müstəqillik qazanandan bəri mövcud olan ABŞ-Azərbaycan münasibətlərini təhlükə altında qoyurlar.

- Azərbaycan hakimiyyətini bu məsələdə nəsə görməyə sövq edəcək imkanınız varmı? Ümumiyyətlə "böyük narahatlıq", "dərin narahatlıq" bəyanatlarından başqa hakimiyyətə hansısa başqa təsir vasitələrniz varmı? Daha nə baş verməlidir ki, bu narahatlıq bəyanatları konkret əməllərə çevrilsin?

- Baxarıq. Hələlik ancaq onu deyə bilərəm ki, 20 ildən artıqdır, Azərbaycan ABŞ-la kifayət qədər yaxşı münasibətlərdə olub. Bəzən aramızda insan haqları məsələri də daxil olmaqla müəyyən mövzularda fikir ayrılığı yaranlıb. Amma həmişə münasibətlərin ABŞ-ın və xüsusilə Azərbaycanın xeyrinə olan vəziyyətdə qalmasına nail olmuşuq.

Son aylarda Azərbaycanda baş verənləri başa düşmək ABŞ-a çox çətindir. Bu addımlar bizim münasibətləri sual altına salır. Hazırda biz Azərbaycan hakmiyyəti ilə müzakirələrdə onlara bunu imkan daxilində aydın çatdırmağa çalışırıq.

- Gözləntilərniz nədir? Yaxın vaxtlarda bu adamların azad ediləcəyinə ümid bəsləməyə dəyərmi?

- Nəyin nə vaxt baş verəcəyini deyə bilmərəm. Mənim işim tərəqqinin proqnozu yox, onun həyata keçririlməsidir. Növbəti addımın necə olacağı Azərbaycan hakimiyyətinin əlindədir.