![Aslan İsmayılov Vəkillər Kollegiyasından çıxarılması barədə](https://turan.az/resized/media/2013/main/051000035742-750-500-resize.webp)
Aslan İsmayılov Vəkillər Kollegiyasından çıxarılması barədə
“Vəkillər Kollegiyası müstəqil qərarlar qəbul etmək iqtidarında deyil”, - “Viza” hüquq firmasının rəhbəri Aslan İsmayılov Vəkillər Kollegiyasından çıxarılmasını “Obyektiv TV”yə şərh edərkən bildirib.
Onun sözlərinə görə, bunun səbəbi ondadır ki, son iki ildə o, diqqəti Prezident Administrasiyasının rəhbəri Ramiz Mehdiyevin qanunazidd və korrupsiya əməllərinə yönəldib. Vəkil əmindir ki, onu Vəkillər Kollegiyasından R.Mehdiyevin birbaşa göstərişi ilə çıxarıblar.
“Nizam-intizam komissiyasının fikrincə, belə çıxır ki, mən qanunçuluğun tələblərini pozuram, xuliqanlıq edirəm və bu qurumu rüsvay edirəm. Qanuna tabe olan istənilən şəxsin, o cümlədən hüquqşünasın problemi odur ki, o, qanunsuzluq, korrupsiya və rüşvətxorluq gördükdə susa bilmir. Mən kiminsə köləsi olmaq, kiminsə iradəsinin kor-koranə icraçısı olmaq istəmirəm”, - vəkil vurğulayıb.
A.İsmayılov Kollegiya üzvlüyündən bir dəfə də xaric edilib (1999). Bu, onun ABŞ Konqresində və Senatında birhəftəlik görüşündən sonra baş verib. Belə ki, o, Azərbaycanda qanun pozuntularının ətraflı sxemini təqdim edib. Bundan sonra xüsusi lisenziya əsasında çalışıb. Lakin Nazirlər Kabineti vəkillik fəaliyyətinin bu növünü ləğv edib. A.İsmayılova görə, daha 300 vəkil lisenziyadan məhrum edilib.
A.İsmayılovun Kollegiyada üzvlüyü 2005-ci ildə dövlət başçısı İlham Əliyevlə şəxsən görüşündən sonra bərpa edilib. Görüş zamanı prezident işlərin vəziyyəti ilə maraqlanıb.
Kollegiya rəhbərliyi onu çağıraraq cinayət işləri üzrə məhkəmələrdə çıxış etmək hüququnu özünə qaytarıb. İndi də onu az qala xidməti funksiyasını yerinə yetirərkən hakimə hücum etməkdə ittiham edirlər.
A.İsmayılov nikbindir və hesab edir ki, müştərilər qarşısında savadlı və vicdanlı vəkilin gəliri hər zaman var. Nizam-intizam komissiyasına və Vəkillər Kollegiyası rəhbərliyinə gəlincə, onların qərarından məhkəməyə şikayət edəcək, yerli və beynəlxalq qanunvericilik çərçivəsində ədalət tələb edəcək. --17D—
-
- Cəmiyyət
- 10 May 2013 15:14
-
- İqtisadiyyat
- 10 May 2013 16:41
Sual-cavab
-
Dövlət Departamentinin nümayəndəsi, Avropa və Avrasiya məsələləri üzrə Büronun Avropa təhlükəsizliyi və siyasi məsələlər İdarəsinin direktoru Liam Uesli Turan-ın Vaşinqtondakı müxbiri Aleks Raufoğlu ilə müsahibəsində NATO-nun Ukraynanın müdafiəsi ilə bağlı planları haqqında danışıb.
-
Ölkənin ən təcrübəli dövlət və siyasət adamlarından biri Sadettin Tantan Turan İnformasiya Agentliyinin suallarını cavablandırdı
-
Al-Jazeera kanalı Türkiyə bürosunun əməkdaşı Yılmaz Akıncı “Peşimdeki melek” adlı xatirələr kitabının işıq üzü görməsindən sonra Turan İnformasiya Agentliyinin suallarını cavablandırdı
-
Sahibkarlığın və Bazar İqtisadiyyatının İnkişafına Yardım Fonduna rəhbərlik edən nüfuzlu ekspert Sabit Bağırov Turan agentliyinə eksklüziv müsahibəsində BMT-nin İqlim Dəyişikliyi haqqında Çərçivə Konvensiyasının tərəflərin 29-cu Konfransının (KX29) ev sahibi kimi ölkənin qarşıdakı roluna işıq salır.
Rəy yaz